'ajmal' safar meñ saath rahīñ yuuñ sa.ūbateñ

jaise ki har sazā kā sazā-vār maiñ hī thā

'ajmal' safar mein sath rahin yun saubaten

jaise ki har saza ka saza-war main hi tha

lahū rishtoñ kā ab jamne lagā hai

koī sailāb mere ghar bhī aa.e

lahu rishton ka ab jamne laga hai

koi sailab mere ghar bhi aae

ufuq ke āḳhirī manzar meñ jagmagā.ūñ maiñ

hisār-e-zāt se niklūñ to ḳhud ko pā.ūñ maiñ

ufuq ke aaKHiri manzar mein jagmagaun main

hisar-e-zat se niklun to KHud ko paun main

vo mere ḳhvāb churā kar bhī ḳhush nahīñ 'ajmal'

vo ek ḳhvāb lahū meñ jo phail jaanā thā

wo mere KHwab chura kar bhi KHush nahin 'ajmal'

wo ek KHwab lahu mein jo phail jaana tha

ye ġham mirā hai to phir ġhair se ilāqa kyā

mujhe hī apnī tamannā kā baar Dhone de

ye gham mera hai to phir ghair se ilaqa kya

mujhe hi apni tamanna ka bar Dhone de