gali sahi ada sahi chin-e-jabin sahi

gaalī sahī adā sahī chīn-e-jabīñ sahī

ye sab sahī par ek nahīñ kī nahīñ sahī

marnā mirā jo chāhe to lag jā gale se Tuk

aTkā hai dam mirā ye dam-e-vāpsīñ sahī

gar nāznīñ ke kahne se maanā burā ho kuchh

merī taraf ko dekhiye maiñ nāznīñ sahī

kuchh paḌ gayā hai aañkh meñ ronā kahe hai tū

kyuuñ maiñ abas ko bahsūñ yahī dil-nashīñ sahī

aage baḌhe jo jaate ho kyuuñ kaun hai yahāñ

jo baat ham ko kahnī hai tum se yahīñ sahī

manzūr dostī jo tumheñ hai har ek se

achchhā to kyā muzā.eqa 'inshā' se kiiñ sahī

gali sahi ada sahi chin-e-jabin sahi

ye sab sahi par ek nahin ki nahin sahi

marna mera jo chahe to lag ja gale se Tuk

aTka hai dam mera ye dam-e-wapsin sahi

gar naznin ke kahne se mana bura ho kuchh

meri taraf ko dekhiye main naznin sahi

kuchh paD gaya hai aankh mein rona kahe hai tu

kyun main abas ko bahsun yahi dil-nashin sahi

aage baDhe jo jate ho kyun kaun hai yahan

jo baat hum ko kahni hai tum se yahin sahi

manzur dosti jo tumhein hai har ek se

achchha to kya muzaeqa 'insha' se kin sahi