jī bahut chāhtā hai sach boleñ

kyā kareñ hausla nahīñ hotā

ji bahut chahta hai sach bolen

kya karen hausla nahin hota

sar jhukāoge to patthar devtā ho jā.egā

itnā mat chāho use vo bevafā ho jā.egā

sar jhukaoge to patthar dewta ho jaega

itna mat chaho use wo bewafa ho jaega

isī shahr meñ ka.ī saal se mire kuchh qarībī aziiz haiñ

unheñ merī koī ḳhabar nahīñ mujhe un kā koī pata nahīñ

isi shahr mein kai sal se mere kuchh qaribi aziz hain

unhen meri koi KHabar nahin mujhe un ka koi pata nahin

mohabbatoñ meñ dikhāve kī dostī na milā

agar gale nahīñ miltā to haath bhī na milā

mohabbaton mein dikhawe ki dosti na mila

agar gale nahin milta to hath bhi na mila

kuchh to majbūriyāñ rahī hoñgī

yuuñ koī bevafā nahīñ hotā

kuchh to majburiyan rahi hongi

yun koi bewafa nahin hota

zindagī tū ne mujhe qabr se kam dī hai zamīñ

paañv phailā.ūñ to dīvār meñ sar lagtā hai

zindagi tu ne mujhe qabr se kam di hai zamin

panw phailaun to diwar mein sar lagta hai

ajiib shaḳhs hai nārāz ho ke hañstā hai

maiñ chāhtā huuñ ḳhafā ho to vo ḳhafā hī lage

ajib shaKHs hai naraaz ho ke hansta hai

main chahta hun KHafa ho to wo KHafa hi lage

musāfir haiñ ham bhī musāfir ho tum bhī

kisī moḌ par phir mulāqāt hogī

musafir hain hum bhi musafir ho tum bhi

kisi moD par phir mulaqat hogi

ḳhudā aise ehsās kā naam hai

rahe sāmne aur dikhā.ī na de

KHuda aise ehsas ka nam hai

rahe samne aur dikhai na de

āñkhoñ meñ rahā dil meñ utar kar nahīñ dekhā

kashtī ke musāfir ne samundar nahīñ dekhā

aankhon mein raha dil mein utar kar nahin dekha

kashti ke musafir ne samundar nahin dekha

log TuuT jaate haiñ ek ghar banāne meñ

tum taras nahīñ khāte bastiyāñ jalāne meñ

log TuT jate hain ek ghar banane mein

tum taras nahin khate bastiyan jalane mein

dushmanī jam kar karo lekin ye gunjā.ish rahe

jab kabhī ham dost ho jaa.eñ to sharminda na hoñ

dushmani jam kar karo lekin ye gunjaish rahe

jab kabhi hum dost ho jaen to sharminda na hon

āshiqī meñ bahut zarūrī hai

bevafā.ī kabhī kabhī karnā

aashiqi mein bahut zaruri hai

bewafai kabhi kabhi karna

yahāñ libās kī qīmat hai aadmī kī nahīñ

mujhe gilās baḌe de sharāb kam kar de

yahan libas ki qimat hai aadmi ki nahin

mujhe gilas baDe de sharab kam kar de

kabhī kabhī to chhalak paḌtī haiñ yūñhī āñkheñ

udaas hone kā koī sabab nahīñ hotā

kabhi kabhi to chhalak paDti hain yunhi aankhen

udas hone ka koi sabab nahin hota

mujh se kyā baat likhānī hai ki ab mere liye

kabhī sone kabhī chāñdī ke qalam aate haiñ

mujh se kya baat likhani hai ki ab mere liye

kabhi sone kabhi chandi ke qalam aate hain

us kī āñkhoñ ko ġhaur se dekho

mandiroñ meñ charāġh jalte haiñ

us ki aankhon ko ghaur se dekho

mandiron mein charagh jalte hain

gharoñ pe naam the nāmoñ ke saath ohde the

bahut talāsh kiyā koī aadmī na milā

gharon pe nam the namon ke sath ohde the

bahut talash kiya koi aadmi na mila

koī haath bhī na milā.egā jo gale miloge tapāk se

ye na.e mizāj kā shahr hai zarā fāsle se milā karo

koi hath bhi na milaega jo gale miloge tapak se

ye nae mizaj ka shahr hai zara fasle se mila karo

ujāle apnī yādoñ ke hamāre saath rahne do

na jaane kis galī meñ zindagī kī shaam ho jaa.e

ujale apni yaadon ke hamare sath rahne do

na jaane kis gali mein zindagi ki sham ho jae