aap kyā aa.e ki ruḳhsat sab andhere ho ga.e

is qadar ghar meñ kabhī bhī raushnī dekhī na thī

aap kya aae ki ruKHsat sab andhere ho gae

is qadar ghar mein kabhi bhi raushni dekhi na thi

ghar meñ jo ik charāġh thā tum ne use bujhā diyā

koī kabhī charāġh ham ghar meñ na phir jalā sake

ghar mein jo ek charagh tha tum ne use bujha diya

koi kabhi charagh hum ghar mein na phir jala sake

jis ne bhī mujhe dekhā hai patthar se navāzā

vo kaun haiñ phūloñ ke jinheñ haar mile haiñ

jis ne bhi mujhe dekha hai patthar se nawaza

wo kaun hain phulon ke jinhen haar mile hain

pattharo aaj mire sar pe baraste kyuuñ ho

maiñ ne tum ko bhī kabhī apnā ḳhudā rakkhā hai

pattharo aaj mere sar pe baraste kyun ho

main ne tum ko bhi kabhi apna KHuda rakkha hai

vo jo kahtā thā ki 'nāsir' ke liye jiitā huuñ

us kā kyā jāniye kyā haal huā mere baad

wo jo kahta tha ki 'nasir' ke liye jita hun

us ka kya jaaniye kya haal hua mere baad