ham ne us chehre ko bāñdhā nahīñ mahtāb-misāl

ham ne mahtāb ko us ruḳh ke mumāsil bāñdhā

hum ne us chehre ko bandha nahin mahtab-misal

hum ne mahtab ko us ruKH ke mumasil bandha

ka.ī dinoñ se mire saath saath chaltī hai

koī udaas sī ThanDī sī koī parchhā.īñ

kai dinon se mere sath sath chalti hai

koi udas si ThanDi si koi parchhain

mire vajūd ke andar mujhe talāsh na kar

ki is makān meñ aksar rahā nahīñ huuñ maiñ

mere wajud ke andar mujhe talash na kar

ki is makan mein aksar raha nahin hun main

mohabbat aur ibādat meñ farq to hai naañ

so chhīn lī hai tirī dostī mohabbat ne

mohabbat aur ibaadat mein farq to hai nan

so chhin li hai teri dosti mohabbat ne

savād-e-hijr meñ rakkhā huā diyā huuñ maiñ

tujhe ḳhabar nahīñ kis aag meñ jalā huuñ maiñ

sawad-e-hijr mein rakkha hua diya hun main

tujhe KHabar nahin kis aag mein jala hun main