barhamī husn ko kuchh aur jilā detī hai

vo jamālī terā chehra vo jalālī āñkheñ

barhami husn ko kuchh aur jila deti hai

wo jamali tera chehra wo jalali aankhen

chashm-e-giryāñ kī ābyārī se

dil ke dāġhoñ pe phir bahār aa.ī

chashm-e-giryan ki aabyari se

dil ke daghon pe phir bahaar aai

maiñ ne maanā ki adū bhī tirā shaidā.ī hai

farq hotā hai fidā hone meñ mar jaane meñ

main ne mana ki adu bhi tera shaidai hai

farq hota hai fida hone mein mar jaane mein

sach to ye hai ki duā ne na davā ne rakkhā

ham ko zinda tire dāman kī havā ne rakkhā

sach to ye hai ki dua ne na dawa ne rakkha

hum ko zinda tere daman ki hawa ne rakkha

uTThe na baiTh kar kabhī kū-e-habīb se

us dar pe kyā ga.e ki usī dar ke ho ga.e

uTThe na baiTh kar kabhi ku-e-habib se

us dar pe kya gae ki usi dar ke ho gae