koī to hai 'munīr' jise fikr hai mirī

ye jaan kar ajiib sī hairat huī mujhe

koi to hai 'munir' jise fikr hai meri

ye jaan kar ajib si hairat hui mujhe

ġhair se naf.at jo pā lī ḳharch ḳhud par ho ga.ī

jitne ham the ham ne ḳhud ko us se aadhā kar liyā

ghair se nafat jo pa li KHarch KHud par ho gai

jitne hum the hum ne KHud ko us se aadha kar liya

liye phirā jo mujhe dar-ba-dar zamāne meñ

ḳhayāl tujh ko dil-e-be-qarār kis kā thā

liye phira jo mujhe dar-ba-dar zamane mein

KHayal tujh ko dil-e-be-qarar kis ka tha

'munīr' is ḳhūbsūrat zindagī ko

hamesha ek sā honā nahīñ hai

'munir' is KHubsurat zindagi ko

hamesha ek sa hona nahin hai

maiñ us ko dekh ke chup thā usī kī shādī meñ

mazā to saarā isī rasm ke nibāh meñ thā

main us ko dekh ke chup tha usi ki shadi mein

maza to sara isi rasm ke nibah mein tha

vo jis ko maiñ samajhtā rahā kāmyāb din

vo din thā merī umr kā sab se ḳharāb din

wo jis ko main samajhta raha kaamyab din

wo din tha meri umr ka sab se KHarab din

tum mere liye itne pareshān se kyuuñ ho

maiñ Duub bhī jaatā to kahīñ aur ubhartā

tum mere liye itne pareshan se kyun ho

main Dub bhi jata to kahin aur ubharta

jab safar se lauT kar aa.e to kitnā dukh huā

is purāne baam par vo sūrat-e-zebā na thī

jab safar se lauT kar aae to kitna dukh hua

is purane baam par wo surat-e-zeba na thi

achchhī misāl bantīñ zāhir agar vo hotīñ

in nekiyoñ ko ham to dariyā meñ Daal aa.e

achchhi misal bantin zahir agar wo hotin

in nekiyon ko hum to dariya mein Dal aae

shahr kā tabdīl honā shaad rahnā aur udaas

raunaqeñ jitnī yahāñ haiñ auratoñ ke dam se haiñ

shahr ka tabdil hona shad rahna aur udas

raunaqen jitni yahan hain auraton ke dam se hain

kyuuñ 'munīr' apnī tabāhī kā ye kaisā shikva

jitnā taqdīr meñ likkhā hai adā hotā hai

kyun 'munir' apni tabahi ka ye kaisa shikwa

jitna taqdir mein likkha hai ada hota hai

mohabbat ab nahīñ hogī ye kuchh din ba.ad meñ hogī

guzar jā.eñge jab ye din ye un kī yaad meñ hogī

mohabbat ab nahin hogi ye kuchh din baad mein hogi

guzar jaenge jab ye din ye un ki yaad mein hogi

mire paas aisā tilism hai jo ka.ī zamānoñ kā ism hai

use jab bhī sochā bulā liyā use jo bhī chāhā banā diyā

mere pas aisa tilism hai jo kai zamanon ka ism hai

use jab bhi socha bula liya use jo bhi chaha bana diya

ham bhī 'munīr' ab duniyā-dārī kar ke vaqt guzāreñge

hote hote jiine ke bhī laakh bahāne aa jaate haiñ

hum bhi 'munir' ab duniya-dari kar ke waqt guzarenge

hote hote jine ke bhi lakh bahane aa jate hain

din bhar jo sūraj ke Dar se galiyoñ meñ chhup rahte haiñ

shaam aate hī āñkhoñ meñ vo rañg purāne aa jaate haiñ

din bhar jo suraj ke Dar se galiyon mein chhup rahte hain

sham aate hi aankhon mein wo rang purane aa jate hain

ġham kī bārish ne bhī tere naqsh ko dhoyā nahīñ

tū ne mujh ko kho diyā maiñ ne tujhe khoyā nahīñ

gham ki barish ne bhi tere naqsh ko dhoya nahin

tu ne mujh ko kho diya main ne tujhe khoya nahin

niiñd kā halkā gulābī sā ḳhumār āñkhoñ meñ thā

yuuñ lagā jaise vo shab ko der tak soyā nahīñ

nind ka halka gulabi sa KHumar aankhon mein tha

yun laga jaise wo shab ko der tak soya nahin

jāntā huuñ ek aise shaḳhs ko maiñ bhī 'munīr'

ġham se patthar ho gayā lekin kabhī royā nahīñ

jaanta hun ek aise shaKHs ko main bhi 'munir'

gham se patthar ho gaya lekin kabhi roya nahin

jurm aadam ne kiyā aur nasl-e-ādam ko sazā

kāTtā huuñ zindagī bhar maiñ ne jo boyā nahīñ

jurm aadam ne kiya aur nasl-e-adam ko saza

kaTta hun zindagi bhar main ne jo boya nahin

dasht-e-bārāñ kī havā se phir harā sā ho gayā

maiñ faqat ḳhushbū se us kī tāza-dam sā ho gayā

dasht-e-baran ki hawa se phir hara sa ho gaya

main faqat KHushbu se us ki taza-dam sa ho gaya

kisī ko apne amal kā hisāb kyā dete

savāl saare ġhalat the javāb kyā dete

kisi ko apne amal ka hisab kya dete

sawal sare ghalat the jawab kya dete

ḳhvāhisheñ haiñ ghar se bāhar duur jaane kī bahut

shauq lekin dil meñ vāpas lauT kar aane kā thā

KHwahishen hain ghar se bahar dur jaane ki bahut

shauq lekin dil mein wapas lauT kar aane ka tha

apne gharoñ se duur banoñ meñ phirte hue āvāra logo

kabhī kabhī jab vaqt mile to apne ghar bhī jaate rahnā

apne gharon se dur banon mein phirte hue aawara logo

kabhi kabhi jab waqt mile to apne ghar bhi jate rahna

ḳhushbū kī dīvār ke pīchhe kaise kaise rañg jame haiñ

jab tak din kā sūraj aa.e us kā khoj lagāte rahnā

KHushbu ki diwar ke pichhe kaise kaise rang jame hain

jab tak din ka suraj aae us ka khoj lagate rahna

us husn kā sheva hai jab ishq nazar aa.e

parde meñ chale jaanā sharmā.e hue rahnā

us husn ka shewa hai jab ishq nazar aae

parde mein chale jaana sharmae hue rahna

bechain bahut phirnā ghabrā.e hue rahnā

ik aag sī jazboñ kī dahkā.e hue rahnā

bechain bahut phirna ghabrae hue rahna

ek aag si jazbon ki dahkae hue rahna

aadat hī banā lī hai tum ne to 'munīr' apnī

jis shahr meñ bhī rahnā uktā.e hue rahnā

aadat hi bana li hai tum ne to 'munir' apni

jis shahr mein bhi rahna uktae hue rahna

pūchhte haiñ ki kyā huā dil ko

husn vāloñ kī sādgī na ga.ī

puchhte hain ki kya hua dil ko

husn walon ki sadgi na gai

khaḌā huuñ zer-e-falak gumbad-e-sadā meñ 'munīr'

ki jaise haath uThā ho koī duā ke liye

khaDa hun zer-e-falak gumbad-e-sada mein 'munir'

ki jaise hath uTha ho koi dua ke liye

jānte the donoñ ham us ko nibhā sakte nahīñ

us ne va.ada kar liyā maiñ ne bhī va.ada kar liyā

jaante the donon hum us ko nibha sakte nahin

us ne wada kar liya main ne bhi wada kar liya

qabā-e-zard pahan kar vo bazm meñ aayā

gul-e-hinā ko hathelī meñ thaam kar baiThā

qaba-e-zard pahan kar wo bazm mein aaya

gul-e-hina ko hatheli mein tham kar baiTha

zinda raheñ to kyā hai jo mar jaa.eñ ham to kyā

duniyā se ḳhāmushī se guzar jaa.eñ ham to kyā

zinda rahen to kya hai jo mar jaen hum to kya

duniya se KHamushi se guzar jaen hum to kya

dil kī ḳhalish to saath rahegī tamām umr

dariyā-e-ġham ke paar utar jaa.eñ ham to kyā

dil ki KHalish to sath rahegi tamam umr

dariya-e-gham ke par utar jaen hum to kya

hastī hī apnī kyā hai zamāne ke sāmne

ik ḳhvāb haiñ jahāñ meñ bikhar jaa.eñ ham to kyā

hasti hi apni kya hai zamane ke samne

ek KHwab hain jahan mein bikhar jaen hum to kya

ab kaun muntazir hai hamāre liye vahāñ

shaam aa ga.ī hai lauT ke ghar jaa.eñ ham to kyā

ab kaun muntazir hai hamare liye wahan

sham aa gai hai lauT ke ghar jaen hum to kya

maiñ ḳhush nahīñ huuñ bahut duur us se hone par

jo maiñ nahīñ thā to us par shabāb kyuuñ aayā

main KHush nahin hun bahut dur us se hone par

jo main nahin tha to us par shabab kyun aaya

zavāl-e-asr hai kuufe meñ aur gadāgar haiñ

khulā nahīñ koī dar bāb-e-iltijā ke sivā

zawal-e-asr hai kufe mein aur gadagar hain

khula nahin koi dar bab-e-iltija ke siwa

makān-e-zar lab-e-goyā had-e-sipehr-o-zamīñ

dikhā.ī detā hai sab kuchh yahāñ ḳhudā ke sivā

makan-e-zar lab-e-goya had-e-sipehr-o-zamin

dikhai deta hai sab kuchh yahan KHuda ke siwa

tanhā ujaaḌ burjoñ meñ phirtā hai tū 'munīr'

vo zar-fishāniyāñ tire ruḳh kī kidhar ga.iiñ

tanha ujaD burjon mein phirta hai tu 'munir'

wo zar-fishaniyan tere ruKH ki kidhar gain

sun bastiyoñ kā haal jo had se guzar ga.iiñ

un ummatoñ kā zikr jo rastoñ meñ mar ga.iiñ

sun bastiyon ka haal jo had se guzar gain

un ummaton ka zikr jo raston mein mar gain

imtihāñ ham ne diye is dār-e-fānī meñ bahut

rañj khīñche ham ne apnī lā-makānī meñ bahut

imtihan hum ne diye is dar-e-fani mein bahut

ranj khinche hum ne apni la-makani mein bahut

koyaleñ kūkīñ bahut dīvār-e-gulshan kī taraf

chāñd damkā hauz ke shaffāf paanī meñ bahut

koyalen kukin bahut diwar-e-gulshan ki taraf

chand damka hauz ke shaffaf pani mein bahut

kal maiñ ne us ko dekhā to dekhā nahīñ gayā

mujh se bichhaḌ ke vo bhī bahut ġham se chuur thā

kal main ne us ko dekha to dekha nahin gaya

mujh se bichhaD ke wo bhi bahut gham se chur tha

royā thā kaun kaun mujhe kuchh ḳhabar nahīñ

maiñ us ghaḌī vatan se ka.ī miil duur thā

roya tha kaun kaun mujhe kuchh KHabar nahin

main us ghaDi watan se kai mil dur tha

mahak ajab sī ho ga.ī paḌe paḌe sandūq meñ

rañgat phīkī paḌ ga.ī resham ke rūmāl kī

mahak ajab si ho gai paDe paDe sanduq mein

rangat phiki paD gai resham ke rumal ki

aisā safar hai jis kī koī intihā nahīñ

aisā makāñ hai jis meñ koī ham-nafas nahīñ

aisa safar hai jis ki koi intiha nahin

aisa makan hai jis mein koi ham-nafas nahin

shahr kī galiyoñ meñ gahrī tīrgī giryāñ rahī

raat bādal is tarah aa.e ki maiñ to Dar gayā

shahr ki galiyon mein gahri tirgi giryan rahi

raat baadal is tarah aae ki main to Dar gaya

vo jo mere paas se ho kar kisī ke ghar gayā

reshmī malbūs kī ḳhushbū se jaadū kar gayā

wo jo mere pas se ho kar kisi ke ghar gaya

reshmi malbus ki KHushbu se jadu kar gaya

sub.h-e-kāzib kī havā meñ dard thā kitnā 'munīr'

rail kī siiTī bajī to dil lahū se bhar gayā

subh-e-kazib ki hawa mein dard tha kitna 'munir'

rail ki siTi baji to dil lahu se bhar gaya

kuchh vaqt chāhte the ki socheñ tire liye

tū ne vo vaqt ham ko zamāne nahīñ diyā

kuchh waqt chahte the ki sochen tere liye

tu ne wo waqt hum ko zamane nahin diya