میں بدلتے ہوئے حالات میں ڈھل جاتا ہوں

دیکھنے والے اداکار سمجھتے ہیں مجھے

میں آپ اپنی موت کی تیاریوں میں ہوں

میرے خلاف آپ کی سازش فضول ہے

روشنی بانٹتا ہوں سرحدوں کے پار بھی میں

ہم وطن اس لیے غدار سمجھتے ہیں مجھے

یار بھی راہ کی دیوار سمجھتے ہیں مجھے

میں سمجھتا تھا مرے یار سمجھتے ہیں مجھے

بن مانگے مل رہا ہو تو خواہش فضول ہے

سورج سے روشنی کی گزارش فضول ہے

میں تو خود بکنے کو بازار میں آیا ہوا ہوں

اور دکاں دار خریدار سمجھتے ہیں مجھے

لاشوں میں ایک لاش مری بھی نہ ہو کہیں

تکتا ہوں ایک ایک کو چادر اٹھا کے میں

پھلوں کے ساتھ کہیں گھونسلے نہ گر جائیں

خیال رکھتا ہوں پتھر اچھالتا ہوا میں

میں سر بہ سجدہ سکوں میں نہیں سفر میں ہوں

جبیں پہ داغ نہیں آبلہ بنا ہوا ہے

اب مجھے بولنا نہیں پڑتا

اب میں ہر شخص کی پکار میں ہوں

ابھی تو پہلے پروں کا بھی قرض ہے مجھ پر

جھجک رہا ہوں نئے پر نکالتا ہوا میں