تخت جمشید / اورنگ جم

جمشید حضرت عیسی سے تقریبا آٹھ سو سال قبل پیش دادی خاندان کا چوتھا تاجدار،قدیم ایران کا بادشاہ اورطہمورث کا بیٹا تھا۔ اس کا عہد قدیم ایران کا عہد زریں کہا جاتا ہے۔ اس کے سربہت سی اہم چیزوں کی ایجاد کا سہرا ہے۔ اس نے اپنے عہد کے سائنسدانوں کی مدد سے ایک ایسا پیالہ بھی بنوایا تھا جس میں وہ دنیا کے مختلف حصوں کا مشاہدہ کر سکتا تھا۔ اس کے علاوہ اس نے ایک تخت بھی بنوایا تھا جو نہایت قیمتی جواہرات اورموتیوں سے مزین تھا، ساتھ ہی وہ تخت ہواؤں کے دوش پراڑتا تھا۔ شاہنامہ کے مطابق اس تخت کو دیواورجن اپنے کاندھوں پر لے کر چلتے تھے۔ اس تخت اور حضرت سلیمان کے تخت کے درمیان مشابہت کے کئی پہلو تھے۔ جمشید کے تخت کے لیے شعروادب میں کئی تلمیحی مرکبات مستعمل ہیں۔ مثلا اورنگ جم، تخت جم، کرسیِ جم، مرکب جم، مسند جم۔