aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
Aslam Mahmood's Photo'

Aslam Mahmood

Kanpur, India

Aslam Mahmood

Ghazal 21

Sher-o-Shayari 19

dekh aa kar ki tire hijr meñ bhī zinda haiñ

tujh se bichhḌe the to lagtā thā ki mar jā.eñge

dekh aa kar ki tere hijr mein bhi zinda hain

tujh se bichhDe the to lagta tha ki mar jaenge

ham dil se rahe tez havāoñ ke muḳhālif

jab tham gayā tūfāñ to qadam ghar se nikālā

hum dil se rahe tez hawaon ke muKHalif

jab tham gaya tufan to qadam ghar se nikala

ab ye samjhe ki añdherā bhī zarūrī shai hai

bujh ga.iiñ āñkheñ ujāloñ farāvānī se

ab ye samjhe ki andhera bhi zaruri shai hai

bujh gain aankhen ujalon ki farawani se

paañv us ke bhī nahīñ uThte mire ghar taraf

aur ab ke rāsta badlā huā merā bhī hai

panw us ke bhi nahin uThte mere ghar ki taraf

aur ab ke rasta badla hua mera bhi hai

yahī nahīñ ki kisī yaad ne malūl kiyā

kabhī kabhī to yūñhī be-sabab bhī ro.e haiñ

yahi nahin ki kisi yaad ne malul kiya

kabhi kabhi to yunhi be-sabab bhi roe hain

BOOKS 74

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now