kahāñ jur.at in ashkoñ kī ki dehrī aañkh kī lāñgheñ

hai pahrā zabt kā aisā ki sahme sahme rahte haiñ

kahan jurat in ashkon ki ki dehri aankh ki langhen

hai pahra zabt ka aisa ki sahme sahme rahte hain

ḳhushāmad tābedārī minnat-o-ḳhidmat sujūd-e-husn

azal se dīdanī hai bebasī-o-ājizī-e-ishq

KHushamad tabedari minnat-o-KHidmat sujud-e-husn

azal se didani hai bebasi-o-ajizi-e-ishq

vatan-parastī hamārā maz.hab haiñ jism-o-jāñ mulk kī amānat

kareñge barpā qahr adū par rahegā daa.im vatan salāmat

watan-parasti hamara mazhab hain jism-o-jaan mulk ki amanat

karenge barpa qahr adu par rahega daim watan salamat

ye kaisī bad-duā dī hai kisī ne

samundar huuñ magar khārā huā huuñ

ye kaisi bad-dua di hai kisi ne

samundar hun magar khaara hua hun

yuuñ guftugū-e-ulfat dilchasp ham kareñge

āñkhoñ se tum kahoge āñkhoñ se ham suneñge

yun guftugu-e-ulfat dilchasp hum karenge

aankhon se tum kahoge aankhon se hum sunenge