پھر کئی زخم دل مہک اٹھے

پھر کسی بے وفا کی یاد آئی

اب تو آ جاؤ رسم دنیا کی

میں نے دیوار بھی گرا دی ہے

ہاتھ پھر بڑھ رہا ہے سوئے جام

زندگی کی اداسیوں کو سلام

اگر سکون سے عمر عزیز کھونا ہو

کسی کی چاہ میں خود کو تباہ کر لیجے

ہائے وہ لوگ ہم سے روٹھ گئے

جن کو چاہا تھا زندگی کی طرح

وہی بے وجہ اداسی وہی بے نام خلش

راہ و رسم دل ناکام سے جی ڈرتا ہے

دن کے سینے میں دھڑکتے ہوئے لمحوں کی قسم

شب کی رفتار سبک گام سے جی ڈرتا ہے

ہم آگہی کو روتے ہیں اور آگہی ہمیں

وارفتگئ شوق کہاں لے چلی ہمیں

آئی تھی چند گام اسی بے وفا کے ساتھ

پھر عمر بھر کو بھول گئی زندگی ہمیں

دروازوں کے پہرے ہیں دیواروں کے سنگینیں

ہوتا جو مرے بس میں اس گھر سے نکل جاتا