bhurbhurī sī haDDiyoñ meñ vaqt kā surāġh thā

apnī qabr khodne kā hausla nahīñ huā

bhurbhuri si haDDiyon mein waqt ka suragh tha

apni qabr khodne ka hausla nahin hua

ik shahr hamāre dil meñ hai ik shahr hamārī āñkhoñ meñ

ik mahv-e-tamāshā rahtā hai ik rahtā hai nādānī meñ

ek shahr hamare dil mein hai ek shahr hamari aankhon mein

ek mahw-e-tamasha rahta hai ek rahta hai nadani mein

har qadam raah meñ milte haiñ shanāsā chehre

har qadam raah meñ miltī hai na.ī tanhā.ī

har qadam rah mein milte hain shanasa chehre

har qadam rah mein milti hai nai tanhai

vafā kā har chalan sikhlā diyā thā

kisī ne bevafā hone se pahle

wafa ka har chalan sikhla diya tha

kisi ne bewafa hone se pahle

ye kyā zarūrī ki sab bā-vafā pukāreñ hameñ

koī to hai jo hameñ bevafā pukārtā hai

ye kya zaruri ki sab ba-wafa pukaren hamein

koi to hai jo hamein bewafa pukarta hai