aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر
Pandit Daya Shankar Naseem Lakhnawi's Photo'

پنڈت دیا شنکر نسیم لکھنوی

1811 - 1845 | لکھنؤ, انڈیا

انیسویں صدی میں لکھنؤ کے ممتاز ترین شاعروں میں شامل، مشہور مثنوی گلزارِ نسیم کے خالق

انیسویں صدی میں لکھنؤ کے ممتاز ترین شاعروں میں شامل، مشہور مثنوی گلزارِ نسیم کے خالق

پنڈت دیا شنکر نسیم لکھنوی کے اشعار

2.1K
Favorite

باعتبار

دوزخ و جنت ہیں اب میری نظر کے سامنے

گھر رقیبوں نے بنایا اس کے گھر کے سامنے

سمجھا ہے حق کو اپنے ہی جانب ہر ایک شخص

یہ چاند اس کے ساتھ چلا جو جدھر گیا

لائے اس بت کو التجا کر کے

کفر ٹوٹا خدا خدا کر کے

بتوں کی گلی چھوڑ کر کون جائے

یہیں سے ہے کعبہ کو سجدہ ہمارا

کیا لطف جو غیر پردہ کھولے

جادو وہ جو سر پہ چڑھ کے بولے

جنوں کی چاک زنی نے اثر کیا واں بھی

جو خط میں حال لکھا تھا وہ خط کا حال ہوا

جب ملے دو دل مخل پھر کون ہے

بیٹھ جاؤ خود حیا اٹھ جائے گی

جب نہ جیتے جی مرے کام آئے گی

کیا یہ دنیا عاقبت بخشوائے‌ گی

کوچۂ جاناں کی ملتی تھی نہ راہ

بند کیں آنکھیں تو رستہ کھل گیا

مکان سینہ کا پاتا ہوں دم بدم خالی

نظر بچا کے تو اے دل کدھر کو جاتا ہے

جو دن کو نکلو تو خورشید گرد سر گھومے

چلو جو شب کو تو قدموں پہ ماہتاب گرے

چلا دختر رز کو لے کر جو ساقی

فرشتہ ہوئے ساتھ گھر دیکھنے کو

معنیٔ روشن جو ہوں تو سو سے بہتر ایک شعر

مطلع خورشید کافی ہے پئے دیوان صبح

تھا سم پہ یہ اس پری کا نقشہ

سب آنکھ ملا کہتے تھے آ

تشریح

سم ہندوستانی موسیقی کی اصطلاح ہے۔ اس کا تعلق تال سے ہے۔ تال کہتے ہیں موسیقی کے وزن کو۔ جس طرح ہمارا عروضی نظام ارکان پر مبنی ہے اسی طرح ہندوستانی موسیقی میں تال کا نظام ماتراؤں پر مبنی ہے۔ جیسے دھا گے نا تی نا کے دھن نا(آٹھ ماترائیں: کہروا تال)۔ سم اس جگہ کو کہتے ہیں جہاں تال کا آغاز ہوتا ہے۔ تال کی پہلی ماترا سم کہلاتی ہے۔ ہر تال چکر میں ایک ہی بار سم آتا ہے۔ سنگیت میں خاص زور دے کر سم کو ظاہر کیا جاتا ہے۔ عام طور پر گانے کا اختتام سم پر ہی ہوتا ہے۔ تال کی زبان میں سم کی جگہوں پر ضرب کا نشان لگایا جاتا ہے۔

نسیم کے شعر میں لفظ‘‘آ’’ کلیدی حیثیت کا حامل ہے۔ عام طور ہر جب موسیقی میں تال بجتی ہے تو خالی پر مغنی اپنی گردن اٹھاتا ہے اور سم پر فوراً نیچی کرتا ہے۔ اس عمل سے ایسا لگتا ہے جیسے وہ کسی کو اپنے پاس آنے کا اشارہ کرتا ہے۔ سکھڑ سننے والے مغنی کی اس حرکت کی تقلید کرتے ہیں۔ اسی نکتے سے نسیمؔ نے اتنا لطیف مضمون باندھا ہے۔ نظم طباطبائی کا یہ شعر یاد آرہا ہے؎

مطرب سے پوچھ مسئلۂ جبرواختیار

کیا تال سم پہ اٹھتے ہیں بے اختیار ہاتھ

شفق سوپوری

صبح دم غائب ہوئے انجمؔ تو ثابت ہو گیا

خندۂ بیہودہ پر توڑے گئے دندان صبح

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
بولیے