SHER

Thousands of quotable sher based on theme


  • hazaaro.n KHvaahishe.n aisii ki har KHvaahish pe dam nikle
    bahut nikle mire armaan lekin phir bhii kam nikle

    MIRZA GHALIB

  • ham ne paalaa muddato.n pahluu me.n ham ko.ii nahii.n
    tum ne dekhaa ik nazar se dil tumhaaraa ho gayaa

    AMIRULLAH TASLEEM

  • raah-e-duur-e-ishq me.n rotaa hai kyaa
    aage aage dekhiye hotaa hai kyaa

    MIR TAQI MIR

  • ishq jab tak na kar chuke rusvaa
    aadmii kaam kaa nahii.n hotaa

    JIGAR MORADABADI

  • musiibat aur lambii zindagaanii
    buzurgo.n kii du.aa ne maar Daalaa

    MUZTAR KHAIRABADI

  • goggle lagaa ke aa.nkh par chalne lage hasiin
    vo lutf ab kahaa.n nigah-e-niim-baaz kaa

    HASHIM AZIMABADI

  • kyaa jaane kyaa likhaa thaa use iztiraab me.n
    qaasid kii laash aa.ii hai KHat ke javaab me.n

    MOMIN KHAN MOMIN

  • iraade baa.ndhtaa huu.n sochtaa huu.n to.D detaa huu.n
    kahii.n aisaa na ho jaa.e kahii.n vaisaa na ho jaa.e

    HAFEEZ JALANDHARI

  • tum zamaane ke ho hamaare sivaa
    ham kisii ke nahii.n tumhaare hai.n

    MAHTAB ALAM

  • mai.n jaataa huu.n dil ko tire paas chho.De
    mirii yaad tujh ko dilaataa rahegaa

    KHWAJA MEER 'DARD'

  • maut se kyuu.n itnii vahshat jaan kyuu.n itnii aziiz
    maut aane ke liye hai jaan jaane ke liye

    UNKNOWN

  • ham aah bhii karte hai.n to ho jaate hai.n badnaam
    vo qatl bhii karte hai.n to charchaa nahii.n hotaa

    AKBAR ALLAHABADI

  • hasrat pe us musaafir-e-be-kas kii ro.iye
    jo thak gayaa ho baiTh ke manzil ke saamne

    MUSHAFI GHULAM HAMDANI

  • shaam se kuchh bujhaa saa rahtaa huu.n
    dil hu.aa hai charaaG muflis kaa

    MIR TAQI MIR

  • ishq se log manaa karte hai.n
    jaise kuchh iKHtiyaar hai apnaa

    ASAR LAKHNAVI

SHAYARI IMAGES

Hundreds of Beautiful Images of Shayari to Enjoy and Share

SEE ALL

Tag