SHER

Thousands of quotable sher based on theme


  • zindagii dii hisaab se us ne
    aur Gam be-hisaab likkhaa hai

    EJAZ ANSARI

  • abhii kam-sin ho rahne do kahii.n kho doge dil meraa
    tumhaare hii liye rakkhaa hai le lenaa javaa.n ho kar

    UNKNOWN

  • idhar falak ko hai zid bijliyaa.n giraane kii
    udhar hame.n bhii hai dhun aashiyaa.n banaane kii

    UNKNOWN

  • ulTii ho ga.ii.n sab tadbiire.n kuchh na davaa ne kaam kiyaa
    dekhaa is biimaari-e-dil ne aaKHir kaam tamaam kiyaa

    MIR TAQI MIR

  • kuchh din se zindagii mujhe pahchaantii nahii.n
    yuu.n dekhtii hai jaise mujhe jaantii nahii.n

    ANJUM REHBAR

  • KHabar sun kar mire marne kii vo bole raqiibo.n se
    KHudaa baKHshe bahut sii KHuubiyaa.n thii.n marne vaale me.n

    DAGH DEHLVI

  • shab-e-visaal hai gul kar do in charaaGo.n ko
    KHushii kii bazm me.n kyaa kaam jalne vaalo.n kaa

    DAGH DEHLVI

  • tum aa.e ho tumhe.n bhii aazmaa kar dekh letaa huu.n
    tumhaare saath bhii kuchh duur jaa kar dekh letaa huu.n

    AHMAD MUSHTAQ

  • andaaz apnaa dekhte hai.n aa.ine me.n vo
    aur ye bhii dekhte hai.n ko.ii dekhtaa na ho

    NIZAM RAMPURI

  • sambhaalaa hosh to marne lage hasiino.n par
    hame.n to maut hii aa.ii shabaab ke badle

    FAKHRUDDIN SUKHAN

  • mai.n jo sar-ba-sajda hu.aa kabhii to zamii.n se aane lagii sadaa
    tiraa dil to hai sanam-aashnaa tujhe kyaa milegaa namaaz me.n

    ALLAMA IQBAL

  • duniyaa me.n vahii shaKHs hai taaziim ke qaabil
    jis shaKHs ne haalaat kaa ruKH mo.D diyaa ho

    UNKNOWN

  • mai-KHaane me.n kyuu.n yaad-e-KHudaa hotii hai aksar
    masjid me.n to zikr-e-mai-o-miinaa nahii.n hotaa

    RIYAZ KHAIRABADI

  • kuchh kaTii himmat-e-savaal me.n umr
    kuchh umiid-e-javaab me.n guzrii

    FANI BADAYUNI

  • jab milii aa.nkh hosh kho baiThe
    kitne haazir-javaab hai.n ham log

    JIGAR MORADABADI

SHAYARI IMAGES

Hundreds of Beautiful Images of Shayari to Enjoy and Share

SEE ALL

Tag