aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aankh jo nam ho wahi dida-e-tar mera hai

Waheed Akhtar

aankh jo nam ho wahi dida-e-tar mera hai

Waheed Akhtar

MORE BYWaheed Akhtar

    aañkh jo nam ho vahī dīda-e-tar merā hai

    mauj-e-ġham uTThe kahīñ us guhar merā hai

    dekh luuñ maiñ to sitāre haiñ na dekhūñ to dhuāñ

    kyā rasā itnā kaf-e-dast-e-nazar merā hai

    samar o gul haiñ gulistān-faroshoñ ke liye

    ābyārī ke liye ḳhūn-e-jigar merā hai

    qasr ho ki lahad donoñ kiyraye ke makāñ

    roz kahtā hai koī aa ke ye ghar merā hai

    dasht uḌtī huī ret pe likh dete haiñ log

    ye zamīñ merī ye dīvār ye dar merā hai

    is shar-ābād ḳharābe meñ kahāñ husn-o-jamāl

    husn jitnā bhī hai sab husn-e-nazar merā hai

    maut hai jur.at-e-iz.hār pazmurdā-labī

    sāz-e-taḳhlīq lab-e-arz-e-hunar merā hai

    vo ḳhudā ho to ho maiñ DhūñDne kyuuñ jā.ūñ use

    ḳhud apnā le mujhe baḌh ke vo gar merā hai

    kaT ke sar paḌhte haiñ nezoñ pe bhī qur.ān 'vahīd'

    juzv-e-tan rah ke bhī chup kis liye sar merā hai

    aankh jo nam ho wahi dida-e-tar mera hai

    mauj-e-gham uTThe kahin us ka guhar mera hai

    dekh lun main to sitare hain na dekhun to dhuan

    kya rasa itna kaf-e-dast-e-nazar mera hai

    samar o gul hain gulistan-faroshon ke liye

    aabyari ke liye KHun-e-jigar mera hai

    qasr ho ya ki lahad donon kiyraye ke makan

    roz kahta hai koi aa ke ye ghar mera hai

    dasht ki uDti hui ret pe likh dete hain log

    ye zamin meri ye diwar ye dar mera hai

    is shar-abaad KHarabe mein kahan husn-o-jamal

    husn jitna bhi hai sab husn-e-nazar mera hai

    maut hai jurat-e-izhaar ki pazmurda-labi

    saz-e-taKHliq lab-e-arz-e-hunar mera hai

    wo KHuda ho to ho main DhunDne kyun jaun use

    KHud hi apna le mujhe baDh ke wo gar mera hai

    kaT ke sar paDhte hain nezon pe bhi quran 'wahid'

    juzw-e-tan rah ke bhi chup kis liye sar mera hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now