aankh sahmi hui Darti hui dekhi gai hai

aañkh sahmī huī Dartī huī dekhī ga.ī hai

amn kī fāḳhta martī huī dekhī ga.ī hai

kyā bachā kitnā bachā taab kise hai dekhe

mauj-e-ḳhūñ sar se guzartī huī dekhī ga.ī hai

aise lagtā hai yahāñ se nahīñ jaane vaalī

jo siyah-rāt Thahartī huī dekhī ga.ī hai

dūsrī baar huā hai ki yahī dost huā

par parindoñ ke katartī huī dekhī ga.ī hai

ek ujḌī huī hasrat hai ki pāgal ho kar

bain har shahr meñ kartī huī dekhī ga.ī hai

maut chamkī kisī shamshīr-e-barahna kī tarah

raushnī dil meñ utartī huī dekhī ga.ī hai

phir kināre pe vahī shor vahī log 'razā'

phir koī laash ubhartī huī dekhī ga.ī hai

aankh sahmi hui Darti hui dekhi gai hai

amn ki faKHta marti hui dekhi gai hai

kya bacha kitna bacha tab kise hai dekhe

mauj-e-KHun sar se guzarti hui dekhi gai hai

aise lagta hai yahan se nahin jaane wali

jo siyah-raat Thaharti hui dekhi gai hai

dusri bar hua hai ki yahi dost hua

par parindon ke katarti hui dekhi gai hai

ek ujDi hui hasrat hai ki pagal ho kar

bain har shahr mein karti hui dekhi gai hai

maut chamki kisi shamshir-e-barahna ki tarah

raushni dil mein utarti hui dekhi gai hai

phir kinare pe wahi shor wahi log 'raza'

phir koi lash ubharti hui dekhi gai hai