aate rahte hain falak se bhi ishaare kuchh na kuchh
aate rahte haiñ falak se bhī ishāre kuchh na kuchh
baat kar lete haiñ ham se chāñd taare kuchh na kuchh
ek kāfir kī masīhā.ī ke dast-e-faiz se
mil rahe haiñ zaḳhm ke donoñ kināre kuchh na kuchh
rañg har dīmak-zada tasvīr meñ bharte rahe
ik tasallī ke liye hijrāñ ke maare kuchh na kuchh
ik purānā ḳhat ka.ī phūloñ kī sūkhī pattiyāñ
is bayāz-e-zindagī meñ haiñ sahāre kuchh na kuchh
hai vahī qāmat vahī mānūs se naqsh-o-nigār
aisā lagtā hai kabhī vo the hamāre kuchh na kuchh
vaqt ke be-rahm sannāToñ meñ bahtī zindagī
hai sadā kī muntazir koī pukāre kuchh na kuchh
aate rahte hain falak se bhi ishaare kuchh na kuchh
baat kar lete hain hum se chand tare kuchh na kuchh
ek kafir ki masihai ke dast-e-faiz se
mil rahe hain zaKHm ke donon kinare kuchh na kuchh
rang har dimak-zada taswir mein bharte rahe
ek tasalli ke liye hijran ke mare kuchh na kuchh
ek purana KHat kai phulon ki sukhi pattiyan
is bayaz-e-zindagi mein hain sahaare kuchh na kuchh
hai wahi qamat wahi manus se naqsh-o-nigar
aisa lagta hai kabhi wo the hamare kuchh na kuchh
waqt ke be-rahm sannaTon mein bahti zindagi
hai sada ki muntazir koi pukare kuchh na kuchh
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
