ab is makan mein naya koi dar nahin karna
ab is makāñ meñ nayā koī dar nahīñ karnā
ye kaam sahl bahut hai magar nahīñ karnā
zarā hī der meñ kyā jaane kyā ho raat kā rañg
so ab qayām sar-e-rahguzar nahīñ karnā
bayāñ to kar duuñ haqīqat us ek raat kī sab
pa shart ye hai kisī ko ḳhabar nahīñ karnā
rafūgarī ko ye mausam hai sāzgār bahut
hameñ junūñ ko abhī jāma-dar nahīñ karnā
ḳhabar hai garm kisī qāfile ke luTne kī
ye vāqi.a hai to sair o safar nahīñ karnā
ab is makan mein naya koi dar nahin karna
ye kaam sahl bahut hai magar nahin karna
zara hi der mein kya jaane kya ho raat ka rang
so ab qayam sar-e-rahguzar nahin karna
bayan to kar dun haqiqat us ek raat ki sab
pa shart ye hai kisi ko KHabar nahin karna
rafugari ko ye mausam hai sazgar bahut
hamein junun ko abhi jama-dar nahin karna
KHabar hai garm kisi qafile ke luTne ki
ye waqia hai to sair o safar nahin karna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
