abhi bichhDa hai wo kuchh roz to yaad aaega
abhī bichhḌā hai vo kuchh roz to yaad aa.egā
naqsh raushan hai magar naqsh hai dhuñdlā.egā
ghar se kis tarah maiñ niklūñ ki ye maddham sā charāġh
maiñ nahīñ hūñgā to tanhā.ī meñ bujh jā.egā
ab mire ba.ad koī sar bhī nahīñ hogā tulūa
ab kisī samt se patthar bhī nahīñ aa.egā
merī qismat to yahī hai ki bhaTaknā hai mujhe
rāste tū mire hamrāh kidhar jā.egā
apne zehnoñ meñ rachā lījiye is daur kā rañg
koī tasvīr banegī to ye kaam aa.egā
itne din ho ga.e bichhḌe hue us se 'az.har'
mil bhī jā.egā to pahchān nahīñ pā.egā
abhi bichhDa hai wo kuchh roz to yaad aaega
naqsh raushan hai magar naqsh hai dhundlaega
ghar se kis tarah main niklun ki ye maddham sa charagh
main nahin hunga to tanhai mein bujh jaega
ab mere baad koi sar bhi nahin hoga tulua
ab kisi samt se patthar bhi nahin aaega
meri qismat to yahi hai ki bhaTakna hai mujhe
raste tu mere hamrah kidhar jaega
apne zehnon mein racha lijiye is daur ka rang
koi taswir banegi to ye kaam aaega
itne din ho gae bichhDe hue us se 'azhar'
mil bhi jaega to pahchan nahin paega
Source:
jhunka na-e-mausam kaa (Pg. 204)
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
