aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

agar is khel mein ab wo bhi shamil hone wala hai

Zafar Iqbal

agar is khel mein ab wo bhi shamil hone wala hai

Zafar Iqbal

MORE BYZafar Iqbal

    agar is khel meñ ab vo bhī shāmil hone vaalā hai

    to apnā kaam pahle se bhī mushkil hone vaalā hai

    havā shāḳhoñ meñ rukne aur ulajhne ko hai is lamhe

    guzarte bādaloñ meñ chāñd haa.il hone vaalā hai

    asar ab aur kyā honā thā us jān-e-taġhāful par

    jo pahle besh o kam thā vo bhī zaa.il hone vaalā hai

    ziyāda naaz ab kyā kījiye josh-e-javānī par

    ki ye tūfāñ bhī rafta rafta sāhil hone vaalā hai

    hamīñ se koī koshish ho na paa.ī kārgar varna

    har ik nāqis yahāñ pīr-e-kāmil hone vaalā hai

    haqīqat meñ bahut kuchh khone vaale haiñ ye sāda-dil

    jo ye samjhe hue haiñ un ko hāsil hone vaalā hai

    hamāre hāl-mastoñ ko ḳhabar hone se pahle

    yahāñ par aur kuchh rañg-e-mahfil hone vaalā hai

    chalo is marhale par koī tadbīr kar dekho

    vagarna shahr meñ paanī to dāḳhil hone vaalā hai

    'zafar' kuchh aur ab sho.abada dikhlā.iye varna

    ye dāvā-e-suḳhan-dānī to bātil hone vaalā hai

    agar is khel mein ab wo bhi shamil hone wala hai

    to apna kaam pahle se bhi mushkil hone wala hai

    hawa shaKHon mein rukne aur ulajhne ko hai is lamhe

    guzarte baadalon mein chand hail hone wala hai

    asar ab aur kya hona tha us jaan-e-taghaful par

    jo pahle besh o kam tha wo bhi zail hone wala hai

    ziyaada naz ab kya kijiye josh-e-jawani par

    ki ye tufan bhi rafta rafta sahil hone wala hai

    hamin se koi koshish ho na pai kargar warna

    har ek naqis yahan ka pir-e-kaamil hone wala hai

    haqiqat mein bahut kuchh khone wale hain ye sada-dil

    jo ye samjhe hue hain un ko hasil hone wala hai

    hamare haal-maston ko KHabar hone se pahle hi

    yahan par aur hi kuchh rang-e-mahfil hone wala hai

    chalo is marhale par hi koi tadbir kar dekho

    wagarna shahr mein pani to daKHil hone wala hai

    'zafar' kuchh aur hi ab shoabada dikhlaiye warna

    ye dawa-e-suKHan-dani to baatil hone wala hai

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now