aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

apne hone ka ek ik pal tajraba karte rahe

Abdullah Kamal

apne hone ka ek ik pal tajraba karte rahe

Abdullah Kamal

MORE BYAbdullah Kamal

    apne hone ik ik pal tajraba karte rahe

    nok-e-neza par bhī ham raqs-e-anā karte rahe

    ik musalsal jañg thī ḳhud se ki ham zinda haiñ aaj

    zindagī ham terā haq yuuñ bhī adā karte rahe

    haath meñ patthar na thā chehre pe vahshat bhī na thī

    phir vo kyā thā jis pe ham yuuñ qahqaha karte rahe

    kuchh na kuchh to pesh-e-manzar meñ bhī shāyad thā kahīñ

    kuchh pas-e-manzar bhī ham āb-o-havā karte rahe

    be-talab baḌhtā rahā har lamha qarz-e-jāñ bojh

    be-sabab har nafas ḳhud ko adā karte rahe

    duur tak phailā diye kohsār jañgal vādiyāñ

    rizq āñkhoñ ko diyā har pal nayā karte rahe

    tum to ai ḳhushbū havāo us se mil kar aa ga.iiñ

    ek ham the zaḳhm-e-tanhā.ī harā karte rahe

    zahr ḳhud bote rahe ujlī havāoñ meñ 'kamāl'

    chand sāñsoñ ko bhī ham be-zā.iqa karte rahe

    apne hone ka ek ek pal tajraba karte rahe

    nok-e-neza par bhi hum raqs-e-ana karte rahe

    ek musalsal jang thi KHud se ki hum zinda hain aaj

    zindagi hum tera haq yun bhi ada karte rahe

    hath mein patthar na tha chehre pe wahshat bhi na thi

    phir wo kya tha jis pe hum yun qahqaha karte rahe

    kuchh na kuchh to pesh-e-manzar mein bhi shayad tha kahin

    kuchh pas-e-manzar bhi hum aab-o-hawa karte rahe

    be-talab baDhta raha har lamha qarz-e-jaan ka bojh

    be-sabab hi har nafas KHud ko ada karte rahe

    dur tak phaila diye kohsar jangal wadiyan

    rizq aankhon ko diya har pal naya karte rahe

    tum to ai KHushbu hawao us se mil kar aa gain

    ek hum the zaKHm-e-tanhai hara karte rahe

    zahr KHud bote rahe ujli hawaon mein 'kamal'

    chand sanson ko bhi hum be-zaiqa karte rahe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now