apni palkon ke shabistan mein rakkha hai tumhein
apnī palkoñ ke shabistān meñ rakkhā hai tumheñ
tum sahīfa ho so juzdān meñ rakkhā hai tumheñ
saath hone ke yaqīñ meñ bhī mire saath ho tum
aur na hone ke bhī imkān meñ rakkhā hai tumheñ
ek kam-zarf ke saa.e se bhalī hai ye dhuup
tum samajhte ho ki nuqsān meñ rakkhā hai tumheñ
jitne aañsū haiñ sabhī nazr kiye haiñ tum ko
ham ne har sher ke vijdān meñ rakkhā hai tumheñ
dil to dīvāna hai apnā hī use hosh nahīñ
is liye dil meñ nahīñ jaan meñ rakkhā hai tumheñ
mere zaḳhmoñ kā sabab pūchhegī duniyā tum se
maiñ ne har zaḳhm kī pahchān meñ rakkhā hai tumheñ
apni palkon ke shabistan mein rakkha hai tumhein
tum sahifa ho so juzdan mein rakkha hai tumhein
sath hone ke yaqin mein bhi mere sath ho tum
aur na hone ke bhi imkan mein rakkha hai tumhein
ek kam-zarf ke sae se bhali hai ye dhup
tum samajhte ho ki nuqsan mein rakkha hai tumhein
jitne aansu hain sabhi nazr kiye hain tum ko
hum ne har sher ke wijdan mein rakkha hai tumhein
dil to diwana hai apna hi use hosh nahin
is liye dil mein nahin jaan mein rakkha hai tumhein
mere zaKHmon ka sabab puchhegi duniya tum se
main ne har zaKHm ki pahchan mein rakkha hai tumhein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
