apni tanhai mere nam pe aabaad kare

apnī tanhā.ī mire naam pe ābād kare

kaun hogā jo mujhe us kī tarah yaad kare

dil ajab shahr ki jis par bhī khulā dar is kā

vo musāfir ise har samt se barbād kare

apne qātil kī zehānat se pareshān huuñ maiñ

roz ik maut na.e tarz kī ījād kare

itnā hairāñ ho mirī be-talabī ke aage

vā qafas meñ koī dar ḳhud mirā sayyād kare

salb-e-bīnā.ī ke ahkām mile haiñ jo kabhī

raushnī chhūne kī ḳhvāhish koī shab-zād kare

soch rakhnā bhī jarā.em meñ hai shāmil ab to

vahī ma.asūm hai har baat pe jo saad kare

jab lahū bol paḌe us ke gavāhoñ ke ḳhilāf

qāzi-e-shahr kuchh is baab meñ irshād kare

us kī muTThī meñ bahut roz rahā merā vajūd

mere sāhir se kaho ab mujhe āzād kare

apni tanhai mere nam pe aabaad kare

kaun hoga jo mujhe us ki tarah yaad kare

dil ajab shahr ki jis par bhi khula dar is ka

wo musafir ise har samt se barbaad kare

apne qatil ki zehanat se pareshan hun main

roz ek maut nae tarz ki ijad kare

itna hairan ho meri be-talabi ke aage

wa qafas mein koi dar KHud mera sayyaad kare

salb-e-binai ke ahkaam mile hain jo kabhi

raushni chhune ki KHwahish koi shab-zad kare

soch rakhna bhi jaraem mein hai shamil ab to

wahi masum hai har baat pe jo sad kare

jab lahu bol paDe us ke gawahon ke KHilaf

qazi-e-shahr kuchh is bab mein irshad kare

us ki muTThi mein bahut roz raha mera wajud

mere sahir se kaho ab mujhe aazad kare