aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ashk-e-gulgun ko na KHun-e-shohada ko dekha

Mirza Mayal Dehlvi

ashk-e-gulgun ko na KHun-e-shohada ko dekha

Mirza Mayal Dehlvi

MORE BYMirza Mayal Dehlvi

    ashk-e-gulgūñ ko na ḳhūn-e-shohadā ko dekhā

    shoḳh jaisā ki tire rañg-e-hinā ko dekhā

    tujh ko dekhā na tire nāz-o-adā ko dekhā

    terī har tarz meñ ik shān-e-ḳhudā ko dekhā

    haiñ tujhe dekh ke hūrān-e-bahishtī betāb

    tire kushta-e-andāza-o-adā ko dekhā

    tishna-e-āb-e-dam-e-teġh ne piinā kaisā

    aañkh uThā kar na kabhī āb-e-baqā ko dekhā

    mujhe kāfir batānā hai ye vaa.iz kam-baḳht

    maiñ ne bandoñ meñ ka.ī baar ḳhudā ko dekhā

    nik.hat-e-zulf-e-mo.ambar ko chaman meñ paayā

    aate jaate tire kūche meñ sabā ko dekhā

    'mā.il' īmān hai bil-ġhaib hameñ logoñ

    ki payambar ko hai dekhā na ḳhudā ko dekhā

    ashk-e-gulgun ko na KHun-e-shohada ko dekha

    shoKH jaisa ki tere rang-e-hina ko dekha

    tujh ko dekha na tere naz-o-ada ko dekha

    teri har tarz mein ek shan-e-KHuda ko dekha

    hain tujhe dekh ke huran-e-bahishti betab

    ya tere kushta-e-andaza-o-ada ko dekha

    tishna-e-ab-e-dam-e-tegh ne pina kaisa

    aankh uTha kar na kabhi aab-e-baqa ko dekha

    mujhe kafir hi batana hai ye waiz kam-baKHt

    main ne bandon mein kai bar KHuda ko dekha

    nikhat-e-zulf-e-moambar ko chaman mein paya

    aate jate tere kuche mein saba ko dekha

    'mail' iman hai bil-ghaib hamein logon ka

    ki payambar ko hai dekha na KHuda ko dekha

    Source:

    Intekhab-e-Sukhan(Jild-2) (Pg. 228)

    • Author: Hasrat Mohani
      • Edition: 1983
      • Publisher: uttar pradesh urdu academy
      • Year of Publication: 1983
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now