aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

asir-e-dasht-e-bala ka na majra kahna

Alamtaab Tishna

asir-e-dasht-e-bala ka na majra kahna

Alamtaab Tishna

MORE BYAlamtaab Tishna

    asīr-e-dasht-e-balā na mājrā kahnā

    tamām pūchhne vāloñ ko bas duā kahnā

    ye kahnā raat guzartī hai ab bhī āñkhoñ meñ

    tumhārī yaad qaa.em hai silsila kahnā

    ye kahnā ab bhī sulagtā hai jism chandan

    tumhārā qurb thā ik shola-e-hinā kahnā

    ye kahnā chāñd utartā hai baam par ab bhī

    magar nahīñ vo shab-e-māh mazā kahnā

    ye kahnā masnad-e-shāḳh-e-numū pe thā jo kabhī

    vo phuul sūrat-e-ḳhushbū bikhar gayā kahnā

    ye kahnā qarya-e-jāñ meñ haiñ dam-ba-ḳhud sab log

    tamām shahr huā maqtal-e-navā kahnā

    ye kahnā hasrat ta.amīr ab bhī hai dil meñ

    banā liyā hai makāñ to makāñ-numā kahnā

    ye kahnā ham ne tūfāñ meñ Daal kashtī

    qusūr apnā hai dariyā ko kyā burā kahnā

    ye kahnā ho ga.e ham itne maslahat-andesh

    chale jo to use abhī ḳhunuk havā kahnā

    ye kahnā haar na maanī kabhī añdheroñ se

    bujhe charāġh to dil ko jalā liyā kahnā

    ye kahnā tum se bichhaḌ kar bikhar gayā 'tishna'

    ki jaise haath se gir jaa.e ā.īna kahnā

    asir-e-dasht-e-bala ka na majra kahna

    tamam puchhne walon ko bas dua kahna

    ye kahna raat guzarti hai ab bhi aankhon mein

    tumhaari yaad ka qaem hai silsila kahna

    ye kahna ab bhi sulagta hai jism ka chandan

    tumhaara qurb tha ek shola-e-hina kahna

    ye kahna chand utarta hai baam par ab bhi

    magar nahin wo shab-e-mah ka maza kahna

    ye kahna masnad-e-shaKH-e-numu pe tha jo kabhi

    wo phul surat-e-KHushbu bikhar gaya kahna

    ye kahna qarya-e-jaan mein hain dam-ba-KHud sab log

    tamam shahr hua maqtal-e-nawa kahna

    ye kahna hasrat tamir ab bhi hai dil mein

    bana liya hai makan to makan-numa kahna

    ye kahna hum ne hi tufan mein Dal di kashti

    qusur apna hai dariya ko kya bura kahna

    ye kahna ho gae hum itne maslahat-andesh

    chale jo lu to use abhi KHunuk hawa kahna

    ye kahna haar na mani kabhi andheron se

    bujhe charagh to dil ko jala liya kahna

    ye kahna tum se bichhaD kar bikhar gaya 'tishna'

    ki jaise hath se gir jae aaina kahna

    Source:

    Range-e-Gazal (Pg. 276)

    • Author: shahzaad ahmad
      • Edition: 1988
      • Publisher: Ali Printers, 19-A Abate Road, Lahore
      • Year of Publication: 1988
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now