aur koi jo sune KHun ke aansu roe

aur koī jo sune ḳhuun ke aañsū ro.e

achchhī lagtī haiñ magar ham ko tumhārī bāteñ

ham mileñ yā na mileñ phir bhī kabhī ḳhvāboñ meñ

muskurātī huī ā.eñgī hamārī bāteñ

haa.e ab jin pe masarrat kā gumāñ hotā hai

ashk ban jā.eñgī ik roz ye pyārī bāteñ

yaad jab koī dilā.egā sar-e-shām tumheñ

jagmagā uTTheñgī tāroñ meñ hamārī bāteñ

un ko maġhrūr banāyā hai baḌī mushkil se

ā.īna ban ke raheñ kaash hamārī bāteñ

milte milte yūñhī begāne se ho jā.eñge

dekhte dekhte kho jā.eñgī saarī bāteñ

vo bahut socheñ taḌap uTThīñ magar ai 'bāqir'

yaad aa.iiñ to na aa.iiñ ye tumhārī bāteñ

aur koi jo sune KHun ke aansu roe

achchhi lagti hain magar hum ko tumhaari baaten

hum milen ya na milen phir bhi kabhi KHwabon mein

muskuraati hui aaengi hamari baaten

hae ab jin pe masarrat ka guman hota hai

ashk ban jaengi ek roz ye pyari baaten

yaad jab koi dilaega sar-e-sham tumhein

jagmaga uTThengi taron mein hamari baaten

un ko maghrur banaya hai baDi mushkil se

aaina ban ke rahen kash hamari baaten

milte milte yunhi begane se ho jaenge

dekhte dekhte kho jaengi sari baaten

wo bahut sochen taDap uTThin magar ai 'baqir'

yaad aain to na aain ye tumhaari baaten