aur ta.āruf hamārā ho bhī kyā
ik shanāvar jo Duub tak na sakā
kuchh bhañvar yuuñ uchaT paḌe the jyuuñ
ḳhud-kushī par ho koī āmāda
ik bagūle kī baat thoḌī hai
har bagūle ne gard ko rauñdā
bulbule sat.h-e-āb ko chhū kar
ham ko duniyā kā de ga.e naqsha
vo to sāñsoñ ne shāmeñ sulgā.īñ
aadmī ko ye ilm hī kab thā
ab havāoñ ke daam khulne haiñ
ḳhushbuoñ kā to ho chukā saudā
ab vo ḳhud ko samajhte haiñ sūraj
jin sitāroñ kā chāñd maamā thā
aur taaruf hamara ho bhi kya
ek shanawar jo Dub tak na saka
kuchh bhanwar yun uchaT paDe the jyun
KHud-kushi par ho koi aamada
ek bagule ki baat thoDi hai
har bagule ne gard ko raunda
bulbule sath-e-ab ko chhu kar
hum ko duniya ka de gae naqsha
wo to sanson ne shamen sulgain
aadmi ko ye ilm hi kab tha
ab hawaon ke dam khulne hain
KHushbuon ka to ho chuka sauda
ab wo KHud ko samajhte hain suraj
jin sitaron ka chand mama tha
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
