aur to pas mere hijr mein kya rakkha hai

Hasrat Mohani

aur to pas mere hijr mein kya rakkha hai

Hasrat Mohani

MORE BY Hasrat Mohani

    aur to paas mire hijr meñ kyā rakkhā hai

    ik tire dard ko pahlū meñ chhupā rakkhā hai

    dil se arbāb-e-vafā hai bhulānā mushkil

    ham ne ye un ke taġhāful ko sunā rakkhā hai

    tum ne baal apne jo phūloñ meñ basā rakkhe haiñ

    shauq ko aur bhī dīvāna banā rakkhā hai

    saḳht bedard hai tāsīr-e-mohabbat ki unheñ

    bistar-e-nāz pe sote se jagā rakkhā hai

    aah vo yaad ki us yaad ko ho kar majbūr

    dil-e-māyūs ne muddat se bhulā rakkhā hai

    kyā ta.ammul hai mire qatl meñ ai bāzū-e-yār

    ek vaar meñ sar tan se judā rakkhā hai

    husn ko jaur se begāna na samjho ki use

    ye sabaq ishq ne pahle paḌhā rakkhā hai

    terī nisbat se sitamgar tire māyūsoñ ne

    dāġh-e-hirmāñ ko bhī siine se lagā rakkhā hai

    kahte haiñ ahl-e-jahāñ dard-e-mohabbat jis ko

    naam usī dil-e-muztar ne davā rakkhā hai

    nigah-e-yār se paikān-e-qazā mushtāq

    dil-e-majbūr nishāne pe khulā rakkhā hai

    is anjām bhī kuchh soch liyā hai 'hasrat'

    ne rabt un se jo is darja baḌhā rakkhā hai

    aur to pas mere hijr mein kya rakkha hai

    ek tere dard ko pahlu mein chhupa rakkha hai

    dil se arbab-e-wafa ka hai bhulana mushkil

    hum ne ye un ke taghaful ko suna rakkha hai

    tum ne baal apne jo phulon mein basa rakkhe hain

    shauq ko aur bhi diwana bana rakkha hai

    saKHt bedard hai tasir-e-mohabbat ki unhen

    bistar-e-naz pe sote se jaga rakkha hai

    aah wo yaad ki us yaad ko ho kar majbur

    dil-e-mayus ne muddat se bhula rakkha hai

    kya tammul hai mere qatl mein ai bazu-e-yar

    ek hi war mein sar tan se juda rakkha hai

    husn ko jaur se begana na samjho ki use

    ye sabaq ishq ne pahle hi paDha rakkha hai

    teri nisbat se sitamgar tere mayuson ne

    dagh-e-hirman ko bhi sine se laga rakkha hai

    kahte hain ahl-e-jahan dard-e-mohabbat jis ko

    nam usi ka dil-e-muztar ne dawa rakkha hai

    nigah-e-yar se paikan-e-qaza ka mushtaq

    dil-e-majbur nishane pe khula rakkha hai

    is ka anjam bhi kuchh soch liya hai 'hasrat'

    tu ne rabt un se jo is darja baDha rakkha hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY