badan simTa hua aur dasht-e-jaan phaila hua hai
badan simTā huā aur dasht-e-jāñ phailā huā hai
so tā-hadd-e-nazar vahm o gumāñ phailā huā hai
hamāre paañv se koī zamīñ lipTī huī hai
hamāre sar pe koī āsmāñ phailā huā hai
ye kaisī ḳhāmushī mere lahū meñ sarsarā.ī
ye kaisā shor dil ke darmiyāñ phailā huā hai
tumhārī aag meñ ḳhud ko jalāyā thā jo ik shab
abhī tak mere kamre meñ dhuāñ phailā huā hai
hisār-e-zāt se koī mujhe bhī to chhuḌā.e
makāñ meñ qaid huuñ aur lā-makāñ phailā huā hai
badan simTa hua aur dasht-e-jaan phaila hua hai
so ta-hadd-e-nazar wahm o guman phaila hua hai
hamare panw se koi zamin lipTi hui hai
hamare sar pe koi aasman phaila hua hai
ye kaisi KHamushi mere lahu mein sarsarai
ye kaisa shor dil ke darmiyan phaila hua hai
tumhaari aag mein KHud ko jalaya tha jo ek shab
abhi tak mere kamre mein dhuan phaila hua hai
hisar-e-zat se koi mujhe bhi to chhuDae
makan mein qaid hun aur la-makan phaila hua hai
Source:
Sabhi Rang Tumhare Nikle (Pg. 33)
- Author: Salim Saleem
-
- Edition: First
- Publisher: Rekhta Publications
- Year of Publication: 2017
Source:
Wahima Vajood Ka (Pg. 31)
- Author: Salim Saleem
-
- Edition: 2nd
- Publisher: Rekhta Publications
- Year of Publication: 2022
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
