aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bebasi aisi bhi hoti hai bhala

Ahmad Ata

bebasi aisi bhi hoti hai bhala

Ahmad Ata

MORE BYAhmad Ata

    bebasī aisī bhī hotī hai bhalā

    zindagī aisī bhī hotī hai bhalā

    raushnī ab mere ashkoñ se hai bas

    tīrgī aisī bhī hotī hai bhalā

    hañste hañste ho gayā barbād maiñ

    ḳhush-dilī aisī bhī hotī hai bhalā

    chīḳhtā rahtā huuñ aksar be-sabab

    bekasī aisī bhī hotī hai bhalā

    rahā huuñ maiñ use dekhe baġhair

    be-hisī aisī bhī hotī hai bhalā

    pūchhte ho aib auroñ se mire

    dostī aisī bhī hotī hai bhalā

    zindagī aisī hotī hai bha.ī

    zindagī aisī bhī hotī hai bhalā

    rañg chehre pe lahrāte haiñ ab

    jāñ-kanī aisī bhī hotī hai bhalā

    haiñ lahū būñdeñ ab merī sipāh

    sar-kashī aisī bhī hotī hai bhalā

    ek sūrat yahāñ chāroñ taraf

    raushnī aisī bhī hotī hai bhalā

    gaal jhulse rahe haiñ kyuuñ mire

    chāñdnī aisī bhī hotī hai bhalā

    bebasi aisi bhi hoti hai bhala

    zindagi aisi bhi hoti hai bhala

    raushni ab mere ashkon se hai bas

    tirgi aisi bhi hoti hai bhala

    hanste hanste ho gaya barbaad main

    KHush-dili aisi bhi hoti hai bhala

    chiKHta rahta hun aksar be-sabab

    bekasi aisi bhi hoti hai bhala

    ji raha hun main use dekhe baghair

    be-hisi aisi bhi hoti hai bhala

    puchhte ho aib auron se mere

    dosti aisi bhi hoti hai bhala

    zindagi aisi hi hoti hai bhai

    zindagi aisi bhi hoti hai bhala

    rang hi chehre pe lahraate hain ab

    jaan-kani aisi bhi hoti hai bhala

    hain lahu ki bunden ab meri sipah

    sar-kashi aisi bhi hoti hai bhala

    ek hi surat yahan chaaron taraf

    raushni aisi bhi hoti hai bhala

    gal jhulse ja rahe hain kyun mere

    chandni aisi bhi hoti hai bhala

    Source:

    Aankh Bhar Tamasha Hai (Pg. 105)

    • Author: Ahmad Ata
      • Edition: 2015
      • Publisher: Sanjh Publications
      • Year of Publication: 2015
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now