chehra lala-rang hua hai mausam-e-ranj-o-malal ke baad
chehra lala-rang hua hai mausam-e-ranj-o-malal ke baad
Zafar Gorakhpuri
MORE BYZafar Gorakhpuri
chehra lāla-rañg huā hai mausam-e-ranj-o-malāl ke baad
ham ne jiine kā gur jaanā zahr ke istimāl ke baad
kis ko ḳhabar thī muḳhtārī meñ hoñge vo itne majbūr
ham apne se sharminda haiñ un se arz-e-hāl ke baad
apne sivā apne rishte meñ aur bhī kuchh duniyā.eñ thiiñ
ham ne apnā haal likkhā lekin dīgar ahvāl ke baad
āñkheñ yuuñ hī bhiig ga.iiñ kyā dekh rahe ho āñkhoñ meñ
baiTho sāhab kaho suno kuchh mile ho kitne saal ke baad
toḌe kitne ā.īne aur chhān liye kitne āfāq
koī na manzar aañkh meñ Thahrā us ke aks-e-jamāl ke baad
naqsh-garī kā buutā ho to dhuup chhāñv meñ rañg bahut
chehra ḳhud ban jā.egā teḌhī-meḌhī ashkāl ke baad
chehra lala-rang hua hai mausam-e-ranj-o-malal ke baad
hum ne jine ka gur jaana zahr ke istimal ke baad
kis ko KHabar thi muKHtari mein honge wo itne majbur
hum apne se sharminda hain un se arz-e-haal ke baad
apne siwa apne rishte mein aur bhi kuchh duniyaen thin
hum ne apna haal likkha lekin digar ahwal ke baad
aankhen yun hi bhig gain kya dekh rahe ho aankhon mein
baiTho sahab kaho suno kuchh mile ho kitne sal ke baad
toDe kitne aaine aur chhan liye kitne aafaq
koi na manzar aankh mein Thahra us ke aks-e-jamal ke baad
naqsh-gari ka buta ho to dhup chhanw mein rang bahut
chehra KHud ban jaega teDhi-meDhi ashkal ke baad
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
