chhoDa na mujhe dil ne meri jaan kahin ka

chhoḌā na mujhe dil ne mirī jaan kahīñ kā

dil hai ki nahīñ māntā nādān kahīñ kā

jaa.eñ to kahāñ jaa.eñ isī soch meñ gum haiñ

ḳhvāhish hai kahīñ kī to hai armān kahīñ kā

ham hijr ke māroñ ko kahīñ chain kahāñ hai

mausam nahīñ jachtā hameñ ik aan kahīñ kā

is shoḳhī-e-guftār par aatā hai bahut pyaar

jab pyaar se kahte haiñ vo shaitān kahīñ kā

ye vasl kī rut hai ki judā.ī kā hai mausam

ye gulshan-e-dil hai ki bayābān kahīñ kā

kar de na ise ġharq koī naddī kahīñ kī

ḳhud ko jo samajh baiThā hai bhagvān kahīñ kā

ik harf bhī tahrīf-zada ho to dikhā.e

le aa.e uThā kar koī qur.ān kahīñ kā

mahbūb nagar ho ki ġhazal gaaño ho 'rāġhib'

dastūr-e-mohabbat nahīñ āsān kahīñ kā

chhoDa na mujhe dil ne meri jaan kahin ka

dil hai ki nahin manta nadan kahin ka

jaen to kahan jaen isi soch mein gum hain

KHwahish hai kahin ki to hai arman kahin ka

hum hijr ke maron ko kahin chain kahan hai

mausam nahin jachta hamein ek aan kahin ka

is shoKHi-e-guftar par aata hai bahut pyar

jab pyar se kahte hain wo shaitan kahin ka

ye wasl ki rut hai ki judai ka hai mausam

ye gulshan-e-dil hai ki bayaban kahin ka

kar de na ise gharq koi naddi kahin ki

KHud ko jo samajh baiTha hai bhagwan kahin ka

ek harf bhi tahrif-zada ho to dikhae

le aae uTha kar koi quran kahin ka

mahbub nagar ho ki ghazal gano ho 'raghib'

dastur-e-mohabbat nahin aasan kahin ka