dalael se KHuda tak aql-e-insani nahin jati

Makhmoor Dehlvi

dalael se KHuda tak aql-e-insani nahin jati

Makhmoor Dehlvi

MORE BY Makhmoor Dehlvi

    dalā.el se ḳhudā tak aql-e-insānī nahīñ jaatī

    vo ik aisī haqīqat hai jo pahchānī nahīñ jaatī

    ise to raah meñ arbāb-e-himmat chhoḌ dete haiñ

    kisī ke saath manzil tak tan-āsānī nahīñ jaatī

    kise miltī haiñ vo āñkheñ mohabbat meñ jo rotī haiñ

    mubārak haiñ vo aañsū jin arzānī nahīñ jaatī

    ubhartā nahīñ dil Duub kar bahr-e-mohabbat meñ

    jab aa jaatī hai is dariyā meñ tuġhyānī nahīñ jaatī

    gadā.ī meñ bhī mujh par shān-e-istiġhnā barastī hai

    mire sar se havā-e-tāj-e-sultānī nahīñ jaatī

    muqīm-e-dil haiñ vo armān jo puure nahīñ hote

    ye vo ābād ghar hai jis vīrānī nahīñ jaatī

    kuchh aisā partav-e-husn-e-azal ne kar diyā raushan

    qayāmat tak to ab zarroñ tābānī nahīñ jaatī

    kuchh aise barguzīda log bhī haiñ jin ke hāthoñ se

    chhuḌā kar apnā dāman pāk-dāmanī nahīñ jaatī

    hujūm-e-yās meñ bhī zindagī par muskurātā huuñ

    musībat meñ bhī merī ḳhanda-peshānī nahīñ jaatī

    dalael se KHuda tak aql-e-insani nahin jati

    wo ek aisi haqiqat hai jo pahchani nahin jati

    ise to rah mein arbab-e-himmat chhoD dete hain

    kisi ke sath manzil tak tan-asani nahin jati

    kise milti hain wo aankhen mohabbat mein jo roti hain

    mubarak hain wo aansu jin ki arzani nahin jati

    ubharta hi nahin dil Dub kar bahr-e-mohabbat mein

    jab aa jati hai is dariya mein tughyani nahin jati

    gadai mein bhi mujh par shan-e-istighna barasti hai

    mere sar se hawa-e-taj-e-sultani nahin jati

    muqim-e-dil hain wo arman jo pure nahin hote

    ye wo aabaad ghar hai jis ki virani nahin jati

    kuchh aisa partaw-e-husn-e-azal ne kar diya raushan

    qayamat tak to ab zarron ki tabani nahin jati

    kuchh aise barguzida log bhi hain jin ke hathon se

    chhuDa kar apna daman pak-damani nahin jati

    hujum-e-yas mein bhi zindagi par muskuraata hun

    musibat mein bhi meri KHanda-peshani nahin jati

    Source:

    • Book: Aazadi ke baad dehli men urdu gazal (Pg. 330)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites