dard-e-dil aaj bhi hai josh-e-wafa aaj bhi hai

dard-e-dil aaj bhī hai josh-e-vafā aaj bhī hai

zaḳhm khāne kā mohabbat meñ mazā aaj bhī hai

garmi-e-ishq nigāhoñ meñ nahīñ hai na sahī

muskurātī huī āñkhoñ meñ hayā aaj bhī hai

husn pāband-e-qafas ishq asīr-e-ālām

zindagī jurm-e-mohabbat kī sazā aaj bhī hai

hasrateñ ziist kā sarmāya banī jaatī haiñ

sīna-e-ishq pe vo mashq-e-jafā aaj bhī hai

dāman-e-sabr ke har taar se uThtā hai dhuāñ

aur har zaḳhm pe hañgāma uThā aaj bhī hai

apne ālām-o-masā.ib kā vahī darmāñ hai

dard kā had se guzarnā hī davā aaj bhī hai

'mīr' o 'ġhālib' ke zamāne se na.e daur talak

shā.er-e-hind giraftār-e-balā aaj bhī hai

dard-e-dil aaj bhi hai josh-e-wafa aaj bhi hai

zaKHm khane ka mohabbat mein maza aaj bhi hai

garmi-e-ishq nigahon mein nahin hai na sahi

muskuraati hui aankhon mein haya aaj bhi hai

husn paband-e-qafas ishq asir-e-alam

zindagi jurm-e-mohabbat ki saza aaj bhi hai

hasraten zist ka sarmaya bani jati hain

sina-e-ishq pe wo mashq-e-jafa aaj bhi hai

daman-e-sabr ke har tar se uThta hai dhuan

aur har zaKHm pe hangama uTha aaj bhi hai

apne aalam-o-masaib ka wahi darman hai

dard ka had se guzarna hi dawa aaj bhi hai

'mir' o 'ghaalib' ke zamane se nae daur talak

shaer-e-hind giraftar-e-bala aaj bhi hai