darun-e-KHwab naya ek jahan nikalta hai

Dilawar Ali Aazar

darun-e-KHwab naya ek jahan nikalta hai

Dilawar Ali Aazar

MORE BYDilawar Ali Aazar

    darūn-e-ḳhvāb nayā ik jahāñ nikaltā hai

    zamīñ tah se koī āsmāñ nikaltā hai

    bhalā nazar bhī vo aa.e to kis tarah aa.e

    mirā sitāra pas-e-kahkashāñ nikaltā hai

    havā-e-shauq ye manzil se ke kah denā

    zarā der hai bas kārvāñ nikaltā hai

    mirī zamīn pe sūraj ba-vaqt-e-sub.h o masā

    nikal to aatā hai lekin kahāñ nikaltā hai

    ye jis vajūd pe tum naaz kar rahe ho bahut

    yahī vajūd bahut rā.egāñ nikaltā hai

    maqām-e-vasl ik aisā maqām hai ki jahāñ

    yaqīn karte haiñ jis par gumāñ nikaltā hai

    badan ko chhoḌ jaanā hai ruuh ne 'āzar'

    har ik charāġh se āḳhir dhuāñ nikaltā hai

    darun-e-KHwab naya ek jahan nikalta hai

    zamin ki tah se koi aasman nikalta hai

    bhala nazar bhi wo aae to kis tarah aae

    mera sitara pas-e-kahkashan nikalta hai

    hawa-e-shauq ye manzil se ja ke kah dena

    zara si der hai bas karwan nikalta hai

    meri zamin pe suraj ba-waqt-e-subh o masa

    nikal to aata hai lekin kahan nikalta hai

    ye jis wajud pe tum naz kar rahe ho bahut

    yahi wajud bahut raegan nikalta hai

    maqam-e-wasl ek aisa maqam hai ki jahan

    yaqin karte hain jis par guman nikalta hai

    badan ko chhoD hi jaana hai ruh ne 'azar'

    har ek charagh se aaKHir dhuan nikalta hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now