dekhiye chalta hai paimana kidhar se pahle
dekhiye chaltā hai paimāna kidhar se pahle
bazm meñ shor hai har samt idhar se pahle
ġham kī tārīk ghaTāoñ se pareshān na ho
tīrgī hotī hai āsār-e-sahar se pahle
aap jis rāhguzar se haiñ guzarne vaale
ham guzar aa.e haiñ us rāhguzar se pahle
mujh se dekhe nahīñ jaate haiñ kisī ke aañsū
poñchh lo ashk zarā dīda-e-tar se pahle
husn vaale to bahut phirte haiñ har sū lekin
tum sā koī nahīñ guzrā hai nazar se pahle
ek manzil hai magar raah ka.ī haiñ 'az.har'
sochnā ye hai ki jāoge kidhar se pahle
dekhiye chalta hai paimana kidhar se pahle
bazm mein shor hai har samt idhar se pahle
gham ki tarik ghaTaon se pareshan na ho
tirgi hoti hai aasar-e-sahar se pahle
aap jis rahguzar se hain guzarne wale
hum guzar aae hain us rahguzar se pahle
mujh se dekhe nahin jate hain kisi ke aansu
ponchh lo ashk zara dida-e-tar se pahle
husn wale to bahut phirte hain har su lekin
tum sa koi nahin guzra hai nazar se pahle
ek manzil hai magar rah kai hain 'azhar'
sochna ye hai ki jaoge kidhar se pahle
Source:
Shora-e-London (Pg. 23)
- Author: Jauhar Zahiri
-
- Edition: 1985
- Publisher: Books From India (U.K) Ltd. 45, Museum Street,Londan W.C-1
- Year of Publication: 1985
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
