dil ajab mushkil mein hai ab asl raste ki taraf
dil ajab mushkil meñ hai ab asl raste kī taraf
yaad pīchhe khīñchtī hai aas aage kī taraf
chhoḌ kar nikle the jis ko dasht-e-ġhurbat kī taraf
dekhnā shām-o-sahar ab ghar ke saa.e kī taraf
hai abhī āġhāz din kā is dayār-e-qaid meñ
hai abhī se dhyān saarā shab ke pahre kī taraf
sub.h kī raushan kiran ghar ke darīche par paḌī
ek ruḳh chamkā havā meñ us ke shīshe kī taraf
dūriyoñ se pur-kashish haiñ manzileñ donoñ 'munīr'
maiñ ravāñ huuñ ḳhvāb meñ nāpaid qarye kī taraf
dil ajab mushkil mein hai ab asl raste ki taraf
yaad pichhe khinchti hai aas aage ki taraf
chhoD kar nikle the jis ko dasht-e-ghurbat ki taraf
dekhna sham-o-sahar ab ghar ke sae ki taraf
hai abhi aaghaz din ka is dayar-e-qaid mein
hai abhi se dhyan sara shab ke pahre ki taraf
subh ki raushan kiran ghar ke dariche par paDi
ek ruKH chamka hawa mein us ke shishe ki taraf
duriyon se pur-kashish hain manzilen donon 'munir'
main rawan hun KHwab mein napaid qarye ki taraf
Source:
kulliyat-e-muniir niyaazii (Pg. 631)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
