dil bahalne ke wasile de gaya wo
dil bahalne ke vasīle de gayā vo
apnī yādoñ ke khilaune de gayā vo
ham-suḳhan tanhā.iyoñ meñ koī to ho
suune suune se darīche de gayā vo
le gayā merī ḳhudī merī anā bhī
ai jabīn-e-shauq sajde de gayā vo
ranj-o-ġham sahne kī aadat ho ga.ī hai
zinda rahne ke salīqe de gayā vo
merī himmat jāntā thā is liye bhī
Dūbne vaale safīne de gayā vo
zindagī bhar joḌte rahnā hai in ko
TuuTī zanjīroñ se rishte de gayā vo
zar-fishāñ har lafz zarrīñ har varaq hai
'aḳhtar' aise kuchh sahīfe de gayā vo
dil bahalne ke wasile de gaya wo
apni yaadon ke khilaune de gaya wo
ham-suKHan tanhaiyon mein koi to ho
sune sune se dariche de gaya wo
le gaya meri KHudi meri ana bhi
ai jabin-e-shauq sajde de gaya wo
ranj-o-gham sahne ki aadat ho gai hai
zinda rahne ke saliqe de gaya wo
meri himmat jaanta tha is liye bhi
Dubne wale safine de gaya wo
zindagi bhar joDte rahna hai in ko
TuTi zanjiron se rishte de gaya wo
zar-fishan har lafz zarrin har waraq hai
'aKHtar' aise kuchh sahife de gaya wo
Source:
Rooh-e-Ghazal,Pachas Sala Intekhab (Pg. 552)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
