aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil hai ya mele mein khoya hua bachcha koi

Ishrat Afreen

dil hai ya mele mein khoya hua bachcha koi

Ishrat Afreen

MORE BYIshrat Afreen

    dil hai mele meñ khoyā huā bachcha koī

    jis ko bahlā nahīñ saktā hai khilaunā koī

    maiñ to jalte hue zaḳhmoñ ke tale rahtī huuñ

    ne dekhā hai kabhī dhuup sahrā koī

    maiñ lahū huuñ to koī aur bhī zaḳhmī hogā

    apnī dahlīz pe pheñko to na shīsha koī

    ḳhvāhisheñ dil meñ machal kar yūñhī so jaatī haiñ

    jaise añgnā.ī meñ rotā huā bachcha koī

    zā.iche ne umīdoñ ke banā.e the magar

    miT ga.e harf girā āñkhoñ se qatra koī

    chāñdnī jab bhī utartī hai mire āñgan meñ

    kholtā hai tirī yādoñ darīcha koī

    merā ghar jis ke dar-o-bām bhī mehmān se the

    kaash is ujḌe hue ghar meñ na aatā koī

    dil koī phuul nahīñ hai ki agar toḌ diyā

    shāḳh par is se bhī khil jā.egā achchhā koī

    tum bhare shahr meñ afkār liye phirte ho

    sab to muflis haiñ ḳharīdegā yahāñ kyā koī

    raat tanhā.ī ke mele meñ mire saath thā vo

    varna yuuñ ghar se nikaltā hai akelā koī

    'āfrīñ' dard ehsās miTā hai aise

    jaise bachpan meñ banāyā thā gharauñdā koī

    dil hai ya mele mein khoya hua bachcha koi

    jis ko bahla nahin sakta hai khilauna koi

    main to jalte hue zaKHmon ke tale rahti hun

    tu ne dekha hai kabhi dhup ka sahra koi

    main lahu hun to koi aur bhi zaKHmi hoga

    apni dahliz pe phenko to na shisha koi

    KHwahishen dil mein machal kar yunhi so jati hain

    jaise angnai mein rota hua bachcha koi

    zaiche tu ne umidon ke banae the magar

    miT gae harf gira aankhon se qatra koi

    chandni jab bhi utarti hai mere aangan mein

    kholta hai teri yaadon ka daricha koi

    mera ghar jis ke dar-o-baam bhi mehman se the

    kash is ujDe hue ghar mein na aata koi

    dil koi phul nahin hai ki agar toD diya

    shaKH par is se bhi khil jaega achchha koi

    tum bhare shahr mein afkar liye phirte ho

    sab to muflis hain KHaridega yahan kya koi

    raat tanhai ke mele mein mere sath tha wo

    warna yun ghar se nikalta hai akela koi

    'afrin' dard ka ehsas miTa hai aise

    jaise bachpan mein banaya tha gharaunda koi

    Source:

    Kunj piile phuulo.n kaa (Pg. 158)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now