duniya mein ibaadat ko teri aae hue hain

Bahram ji

duniya mein ibaadat ko teri aae hue hain

Bahram ji

MORE BYBahram ji

    duniyā meñ ibādat ko tirī aa.e hue haiñ

    par husn-e-butāñ dekh ke ghabrā.e hue haiñ

    afsos ibādat na tirī ho sakī ham se

    gardan nahīñ uThtī hai ki sharmā.e hue haiñ

    ilzām nahīñ tuur jo surma huā jal kar

    muusā bhī tajallī se to sharmā.e hue haiñ

    maiñ barhaman o shaiḳh takrār se samjhā

    paayā nahīñ us yaar ko jhunjhlā.e hue haiñ

    ka.abe se na raġhbat hameñ ne dair ḳhvāhish

    ham ḳhāna-e-dil meñ jo use paa.e hue haiñ

    hai kaun ho jo tire jalve se ḳhālī

    mazmūn ham ab dil meñ yahī laa.e hue haiñ

    zillat ke ḳharīdār hue hirs ke bande

    hājat ke liye haath jo phailā.e hue haiñ

    jis qaum meñ dekhā to tajassus tirā paayā

    ma.abad tire har qaum meñ Thahrā.e hue haiñ

    'bahrām' ġhazal aur bhī ik un ko sunā de

    mushtāq tirī bazm meñ sab aa.e hue haiñ

    duniya mein ibaadat ko teri aae hue hain

    par husn-e-butan dekh ke ghabrae hue hain

    afsos ibaadat na teri ho saki hum se

    gardan nahin uThti hai ki sharmae hue hain

    ilzam nahin tur jo surma hua jal kar

    musa bhi tajalli se to sharmae hue hain

    main barhaman o shaiKH ki takrar se samjha

    paya nahin us yar ko jhunjhlae hue hain

    kabe se na raghbat hamein ne dair ki KHwahish

    hum KHana-e-dil mein jo use pae hue hain

    hai kaun si ja ho jo tere jalwe se KHali

    mazmun hum ab dil mein yahi lae hue hain

    zillat ke KHaridar hue hirs ke bande

    hajat ke liye hath jo phailae hue hain

    jis qaum mein dekha to tajassus tera paya

    mabad tere har qaum mein Thahrae hue hain

    'bahram' ghazal aur bhi ek un ko suna de

    mushtaq teri bazm mein sab aae hue hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY