aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

فقیرانہ ہے دل مقیم اس کی رہ کا

انشا اللہ خاں انشا

فقیرانہ ہے دل مقیم اس کی رہ کا

انشا اللہ خاں انشا

MORE BYانشا اللہ خاں انشا

    فقیرانہ ہے دل مقیم اس کی رہ کا

    غرض کیا کہ محتاج ہو بادشہ کا

    خدنگ آہ کا اے فلک بے طرح ہے

    بھروسا تو تاروں کی مت کر زرہ کا

    خرابات کی جب سے لذت پڑی ہے

    چھٹا بیٹھنا مسجد و خانقہ کا

    طواف حرم تجھ کو زاہد مبارک

    مرا اور تیرا نہیں ساتھ رہ کا

    صنم خانہ جاتا ہوں تو مجھ کو ناحق

    نہ بہکا نہ بہکا نہ بہکا نہ بہکا

    ترے منہ سے کچھ بو جو آتی ہے مے کی

    دماغ دل اس وقت جاتا ہے مہکا

    رقیبوں کے دل چاک مثل کتاں ہوں

    گزار اس طرف ہو اگر اپنے رہ کا

    تری آشنائی میں کیا ہم نے پایا

    دیا نقد دل اور اپنی گرہ کا

    چمک کر تو اے برق مت مار چشمک

    تو مستوں کی آتش کو مت اور دہکا

    تبھی لطف ہے ساقیا مے کشی کا

    کہ تو بھی بہک اور مجھ کو بھی بہکا

    کبھی تجھ سے انشاؔ نے بوسہ نہ مانگا

    گناہ گار ہے وہ فقط اک نگہ کا

    مأخذ:

    Kulliyat-e-inshaallah khan insha (Pg. 11)

    • مصنف: انشا اللہ خاں انشا
      • ناشر: منشی نول کشور، لکھنؤ
      • سن اشاعت: 1876

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے