gham-e-hayat miTana hai ro ke dekhte hain
ġham-e-hayāt miTānā hai ro ke dekhte haiñ
lahū kā daaġh lahū se hī dho ke dekhte haiñ
atash kī niiñd bahut baḌh ga.ī hai āñkhoñ meñ
chalo furāt kī bāhoñ meñ so ke dekhte haiñ
hameñ hamāre alāva bhī jāntā hai koī
virāsatoñ kī ye pahchān kho ke dekhte haiñ
tamām umr bahut ro.e zindagī ke liye
ab apnī laash pe kuchh der ro ke dekhte haiñ
ajiib log haiñ lāshoñ meñ zindagī ke nishāñ
har ek jism meñ neza chubho ke dekhte haiñ
is aarzū meñ badan ho gayā hai zaḳhm-ālūd
ki ek raat gulāboñ pe so ke dekhte haiñ
ham aadmī kī tarah jī rahe haiñ sadiyoñ se
chalo 'salīm' ab insān ho ke dekhte haiñ
gham-e-hayat miTana hai ro ke dekhte hain
lahu ka dagh lahu se hi dho ke dekhte hain
atash ki nind bahut baDh gai hai aankhon mein
chalo furaat ki bahon mein so ke dekhte hain
hamein hamare alawa bhi jaanta hai koi
wirasaton ki ye pahchan kho ke dekhte hain
tamam umr bahut roe zindagi ke liye
ab apni lash pe kuchh der ro ke dekhte hain
ajib log hain lashon mein zindagi ke nishan
har ek jism mein neza chubho ke dekhte hain
is aarzu mein badan ho gaya hai zaKHm-alud
ki ek raat gulabon pe so ke dekhte hain
hum aadmi ki tarah ji rahe hain sadiyon se
chalo 'salim' ab insan ho ke dekhte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
