gardish-e-mina-o-jam dekhiye kab tak rahe

gardish-e-mīnā-o-jām dekhiye kab tak rahe

ham pe taqāzā harām dekhiye kab tak rahe

terā sitam ham pe aam dekhiye kab tak rahe

talḳhī-e-daurāñ pe naam dekhiye kab tak rahe

chhā ga.iiñ tārīkiyāñ kho gayā husn-e-nazar

va.ada-e-dīdār-e-ām dekhiye kab tak rahe

ahl-e-ḳhirad sust-rau ahl-e-junūñ tez-gām

shauq kā ye ehtimām dekhiye kab tak rahe

sub.h ke sūraj kī zau dekhiye kab tak na aa.e

dahr pe ye rañg-e-shām dekhiye kab tak rahe

gardish-e-mina-o-jam dekhiye kab tak rahe

hum pe taqaza haram dekhiye kab tak rahe

tera sitam hum pe aam dekhiye kab tak rahe

talKHi-e-dauran pe nam dekhiye kab tak rahe

chha gain tarikiyan kho gaya husn-e-nazar

wada-e-didar-e-am dekhiye kab tak rahe

ahl-e-KHirad sust-rau ahl-e-junun tez-gam

shauq ka ye ehtimam dekhiye kab tak rahe

subh ke suraj ki zau dekhiye kab tak na aae

dahr pe ye rang-e-sham dekhiye kab tak rahe