aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

garm-e-fariyaad rakha shakl-e-nihaali ne mujhe

Mirza Ghalib

garm-e-fariyaad rakha shakl-e-nihaali ne mujhe

Mirza Ghalib

MORE BYMirza Ghalib

    garm-e-fariyād rakhā shakl-e-nihālī ne mujhe

    tab amaañ hijr meñ bard-e-layālī ne mujhe

    nisyah-o-naqd-e-do-ālam haqīqat mālūm

    le liyā mujh se mirī himmat-e-ālī ne mujhe

    kasrat-ārā.i-e-vahdat hai parastārī-e-vahm

    kar diyā kāfir in asnām-e-ḳhayālī ne mujhe

    havas-e-gul ke tasavvur meñ bhī khaTkā na rahā

    ajab ārām diyā be-par-o-bālī ne mujhe

    zindagī meñ bhī rahā zauq-e-fanā maarā

    nashsha baḳhshā ġhazab us sāġhar-e-ḳhālī ne mujhe

    bas-ki thī fasl-e-ḳhizān-e-chamanistān-e-suḳhan

    rañg-e-shohrat na diyā tāza-ḳhayālī ne mujhe

    jalva-e-ḳhur se fanā hotī hai shabnam 'ġhālib'

    kho diyā satvat-e-asmā-e-jalālī ne mujhe

    garm-e-fariyaad rakha shakl-e-nihaali ne mujhe

    tab aman hijr mein di bard-e-layali ne mujhe

    nisyah-o-naqd-e-do-alam ki haqiqat malum

    le liya mujh se meri himmat-e-ali ne mujhe

    kasrat-arai-e-wahdat hai parastari-e-wahm

    kar diya kafir in asnam-e-KHayali ne mujhe

    hawas-e-gul ke tasawwur mein bhi khaTka na raha

    ajab aaram diya be-par-o-baali ne mujhe

    zindagi mein bhi raha zauq-e-fana ka mara

    nashsha baKHsha ghazab us saghar-e-KHali ne mujhe

    bas-ki thi fasl-e-KHizan-e-chamanistan-e-suKHan

    rang-e-shohrat na diya taza-KHayali ne mujhe

    jalwa-e-KHur se fana hoti hai shabnam 'ghaalib'

    kho diya satwat-e-asma-e-jalali ne mujhe

    Source:

    Deewan-e-Ghalib Jadeed (Pg. 391)

    • Author: Mirza Ghalib
      • Publisher: Madhya Pradesh Urdu Academy, Bhopal
      • Year of Publication: 1982
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now