ghazal mein husn ka uske bayan rakhna hai

Hasan Akbar Kamal

ghazal mein husn ka uske bayan rakhna hai

Hasan Akbar Kamal

MORE BYHasan Akbar Kamal

    ġhazal meñ husn us ke bayān rakhnā hai

    kamāl ā.ankhoñ meñ goyā zabān rakhnā hai

    jahāz-rāñ hunar o hausla na le saath

    huā ke ruḳh pe agar bādbān rakhnā hai

    bharā to hai mirā tarkash magar ye dil hai gudāz

    so umr bhar mujhe ḳhālī kamān rakhnā hai

    diye bujhātī rahī dil bujhā sake to bujhā.e

    havā ke sāmne ye imtihān rakhnā hai

    bahut hañse mire is faisle pe sāya-nashīñ

    ki sar pe dhuup ko ab sā.ebān rakhnā hai

    ho intizār-e-bahārāñ jahāñ na rañj-e-ḳhizāñ

    'kamāl' aisā bayābāñ makān rakhnā hai

    ghazal mein husn ka us ke bayan rakhna hai

    kamal aaankhon mein goya zaban rakhna hai

    jahaz-ran hunar o hausla na le ja sath

    hua ke ruKH pe agar baadban rakhna hai

    bhara to hai mera tarkash magar ye dil hai gudaz

    so umr bhar mujhe KHali kaman rakhna hai

    diye bujhati rahi dil bujha sake to bujhae

    hawa ke samne ye imtihan rakhna hai

    bahut hanse mere is faisle pe saya-nashin

    ki sar pe dhup ko ab saeban rakhna hai

    ho intizar-e-bahaaran jahan na ranj-e-KHizan

    'kamal' aisa bayaban makan rakhna hai

    Source :
    • Book : Nai Pakistani Ghazal Naye Dastakhat (Pg. 42)
    • Author : Nishat Shahid
    • Publication : Miaar Publications K 20 C Shaikh Saraye Phase2 New Delhi (1983)
    • Edition : 1983
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY