gesū o ruḳhsār kī bāteñ kareñ
aao mil kar pyaar kī bāteñ kareñ
bevafā.ī jis kā hai tarz-e-amal
bas usī dildār kī bāteñ kareñ
āj-kal paidal safar dushvār hai
ḳhūbsūrat car kī bāteñ kareñ
le ke nikleñ ik mobile haath meñ
ab to bas be-tār kī bāteñ kareñ
jab samajh meñ kuchh na aa.e aap ko
baiTh kar be-kār kī bāteñ kareñ
baat kāñToñ kī tarah jis kī chubhe
kyuuñ usī gulnār kī bāteñ kareñ
sulh par jab donoñ āmāda hue
phir ye kyuuñ talvār kī bāteñ kareñ
jo yahāñ da.avā baḌe va.ade kare
bas usī sarkār kī bāteñ kareñ
kyuuñ ho 'āzam' ek mahbūba kī baat
aur bhī do-chār kī bāteñ kareñ
gesu o ruKHsar ki baaten karen
aao mil kar pyar ki baaten karen
bewafai jis ka hai tarz-e-amal
bas usi dildar ki baaten karen
aaj-kal paidal safar dushwar hai
KHubsurat car ki baaten karen
le ke niklen ek mobile hath mein
ab to bas be-tar ki baaten karen
jab samajh mein kuchh na aae aap ko
baiTh kar be-kar ki baaten karen
baat kanTon ki tarah jis ki chubhe
kyun usi gulnar ki baaten karen
sulh par jab donon aamada hue
phir ye kyun talwar ki baaten karen
jo yahan dawa baDe wade kare
bas usi sarkar ki baaten karen
kyun ho 'azam' ek mahbuba ki baat
aur bhi do-chaar ki baaten karen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
