ghani siyah zulf badliyon si bila sabab mujh mein jagti hai
ghanī siyah zulf badliyoñ sī bilā sabab mujh meñ jāgtī hai
vo ḳhvāhish-e-nā-murād ab tak tamām shab mujh meñ jāgtī hai
vo ek bastī jo so ga.ī hai udaas be-nām ho ga.ī hai
ba-harf-o-saut ab bhī chīḳhtī hai ba-chashm-o-lab mujh meñ jāgtī hai
tire ḳhayāloñ kī mamlikat ke tamām asnām gir chuke haiñ
bas ik tamannā-e-kāfirāna bas ik talab mujh meñ jāgtī hai
maiñ us ghaḌī apne aap kā sāmnā bhī karne se bhāgtā huuñ
vo ziina ziina utarne vaalī shabīh jab mujh meñ jāgtī hai
is ik nigah meñ maiñ kab huuñ larzāñ use bhī is kī ḳhabar nahīñ hai
maiñ ḳhud bhī is baat ko nahīñ jāntā vo kab mujh meñ jāgtī hai
ghani siyah zulf badliyon si bila sabab mujh mein jagti hai
wo KHwahish-e-na-murad ab tak tamam shab mujh mein jagti hai
wo ek basti jo so gai hai udas be-nam ho gai hai
ba-harf-o-saut ab bhi chiKHti hai ba-chashm-o-lab mujh mein jagti hai
tere KHayalon ki mamlikat ke tamam asnam gir chuke hain
bas ek tamanna-e-kafirana bas ek talab mujh mein jagti hai
main us ghaDi apne aap ka samna bhi karne se bhagta hun
wo zina zina utarne wali shabih jab mujh mein jagti hai
is ek nigah mein main kab hun larzan use bhi is ki KHabar nahin hai
main KHud bhi is baat ko nahin jaanta wo kab mujh mein jagti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
