ginti mein be-shumar the kam kar diye gae

gintī meñ be-shumār the kam kar diye ga.e

ham saath ke qabīloñ meñ zam kar diye ga.e

pahle nisāb-e-aql huā ham se intisāb

phir yuuñ huā ki qatl bhī ham kar diye ga.e

pahle lahūluhān kiyā ham ko shahr ne

phir pairahan hamāre alam kar diye ga.e

pahle hī kam thī qarya-e-jānāñ meñ raushnī

aur us pe kuchh charāġh bhī kam kar diye ga.e

is daur-e-nā-shanās meñ ham se arab-nazhād

lab kholne lage to ajam kar diye ga.e

ginti mein be-shumar the kam kar diye gae

hum sath ke qabilon mein zam kar diye gae

pahle nisab-e-aql hua hum se intisab

phir yun hua ki qatl bhi hum kar diye gae

pahle lahuluhan kiya hum ko shahr ne

phir pairahan hamare alam kar diye gae

pahle hi kam thi qarya-e-jaanan mein raushni

aur us pe kuchh charagh bhi kam kar diye gae

is daur-e-na-shanas mein hum se arab-nazhad

lab kholne lage to ajam kar diye gae