aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

gul-e-virana hun koi nahin hai qadr-dan mera

Jagat Mohan Lal Ravan

gul-e-virana hun koi nahin hai qadr-dan mera

Jagat Mohan Lal Ravan

MORE BYJagat Mohan Lal Ravan

    gul-e-vīrāna huuñ koī nahīñ hai qadr-dāñ merā

    dekh ai mire ḳhallāq husn-e-rā.egāñ merā

    ye kah kar ruuh niklī hai tan-e-āshiq se furqat meñ

    mujhe ujlat hai baḌh jaa.e na aage kārvāñ merā

    havā us ko uḌā le jaa.e ab phūñk de bijlī

    hifāzat kar nahīñ saktā mirī jab āshiyāñ merā

    zamīñ par baar huuñ aur āsmān se duur ai mālik

    nahīñ mālūm kuchh āḳhir Thikānā hai kahāñ merā

    mujhe naġhme lutf aatā hai rātoñ ḳhamoshī meñ

    dil-e-bashikasta hai ik sāz-e-āhañg fuġhāñ merā

    vahīñ se ibtidā-e-kūcha-e-dildār had hai

    qadam ḳhud chalte chalte aa ke ruk jaa.e jahāñ merā

    zarā duur aur hai ai kashti-e-umr-e-ravāñ sāhil

    ki is bahr-e-jahāñ meñ har nafas hai bādbāñ merā

    huī jaatī hai tanhā.ī meñ lazzat ruuh zaa.e.a

    luTā jaatā hai vīrāne meñ ganj-e-shā.egāñ merā

    anāsir hañste haiñ duniyā vus.at muskurātī hai

    kisī se pūchhte haiñ ahl-e-bīnash jab nishāñ merā

    mire ba.ad aur phir koī nazar mujh nahīñ aatā

    bahut din tak rakkheñge sog ahl-e-ḳhāndāñ merā

    ġhanīmat hai nafas do chaar jo baaqī haiñ ab varna

    kabhī luT chukā sarmāya-e-sod-o-ziyāñ merā

    abhī tak fasl-e-gul meñ ik sadā-e-dard aatī hai

    vahāñ ḳhaak se pahle jahāñ thā āshiyāñ merā

    'ravāñ' sach hai mohabbat asar zaa.e.a nahīñ hotā

    vo ro dete haiñ ab bhī zikr aatā hai jahāñ merā

    gul-e-virana hun koi nahin hai qadr-dan mera

    tu hi dekh ai mere KHallaq husn-e-raegan mera

    ye kah kar ruh nikli hai tan-e-ashiq se furqat mein

    mujhe ujlat hai baDh jae na aage karwan mera

    hawa us ko uDa le jae ab ya phunk de bijli

    hifazat kar nahin sakta meri jab aashiyan mera

    zamin par bar hun aur aasman se dur ai malik

    nahin malum kuchh aaKHir Thikana hai kahan mera

    mujhe naghme ka lutf aata hai raaton ki KHamoshi mein

    dil-e-bashikasta hai ek saz-e-ahang fughan mera

    wahin se ibtida-e-kucha-e-dildar ki had hai

    qadam KHud chalte chalte aa ke ruk jae jahan mera

    zara dur aur hai ai kashti-e-umr-e-rawan sahil

    ki is bahr-e-jahan mein har nafas hai baadban mera

    hui jati hai tanhai mein lazzat ruh ki zaea

    luTa jata hai virane mein ganj-e-shaegan mera

    anasir hanste hain duniya ki wusat muskuraati hai

    kisi se puchhte hain ahl-e-binash jab nishan mera

    mere baad aur phir koi nazar mujh sa nahin aata

    bahut din tak rakkhenge sog ahl-e-KHandan mera

    ghanimat hai nafas do chaar jo baqi hain ab warna

    kabhi ka luT chuka sarmaya-e-sod-o-ziyan mera

    abhi tak fasl-e-gul mein ek sada-e-dard aati hai

    wahan ki KHak se pahle jahan tha aashiyan mera

    'rawan' sach hai mohabbat ka asar zaea nahin hota

    wo ro dete hain ab bhi zikr aata hai jahan mera

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now